ئەردۆغان: هەفتەی داهاتوو لەگەڵ دەم پارتی کۆدەبمەوە

ئاڤا نیوز

سەرۆککۆماری تورکیا ئەوەی ئاشکرا کرد کە لە چوارچێوەی هەوڵەکان بۆ پرۆسەی ئاشتی، هەفتەی داهاتوو، بۆ جاری دووەم پێشوازی لە شاندی دەم پارتی دەکات.

وێنە گەورەکە: هەوڵەکان بۆ خێراکردن و سەرخستنی پرۆسەی ئاشتی لە تورکیا بەردەوامن و لە پەرلەمانی ئەو وڵاتە یەکگرتوویی گەورەی تێگەیشتن دروستبووە، پشتیوانی بۆ پرۆسەکە لە ئاستی بەرزدایە.

لێدوانی فەرمی: ڕەجەب تەیب ئەردۆغان، سەرۆککۆماری تورکیا بە ڕۆژنامەنووسانی ڕاگەیاند: ئەگەر هیچ شتێک نەیەتە پێشەوە، هەفتەی داهاتوو دیدارێکم لەگەڵ شاندی دەم پارتی دەبێت. چەند بابەتێک سەبارەت بە پرسی تورکیای بێ تیرۆر هەیە، گفتوگۆیان لەسەر دەکەین.

زانیاریی زیاتر: بە وتەی ئەردۆغان، ئیدی تورکیا لەڕێی پتەوترکردنی بەرەی ناوخۆییدا مەودایەکی گرنگی بڕیوە. پرۆسەکە تەواو نەبووە، لەبەرئەوە پێویستە هۆشیار بین بەرامبەر پشێوییەکان.