ڕووسیا: ئیستەنبووڵ وەک سەکۆی سەرەکیی دانوستانی نێوان ئێمە و ئۆکراینا دەمێنێتەوە

ئاڤا نیوز

گوتەبێژی وەزارەتی دەرەوەی ڕوسیا دەڵێت، ئیستەنبووڵ وەک سەکۆی سەرەکی گفتوگۆی ڕاستەوخۆی نێوان ئەوان و ئۆکراینا دەمێنێتەوە، ئاماژەی بەوەشکرد، سوپاسگوزاری تورکیاین بۆ میوانداری و پاڵپشتییەکەی.

وێنە گەورەکە: دوای سێ ساڵ لە جەنگی بەردەوامی نێوان ڕووسیا و ئۆکراینا، هەوڵە نێودەوڵەتییەکان بەردەوامن بۆ ڕاگرتنی جەنگەکە و ڕاگەیاندنی ئاگربەست لە نێوانیان.

لێدوانی فەرمی: ماریا زاخارۆڤا، گوتەبێژی وەزارەتی دەرەوەی ڕوسیا لە کۆنگرەی ڕۆژنامەوانی هەفتانەیدا باسی لە گفتووگۆکانی نێوان ڕووسیا و ئۆكڕاینای کرد و جەختی لەوە کردووە کە ئیستەنبووڵ وەک سەکۆی سەرەکی گفتوگۆی ڕاستەوخۆی نێوان ڕووسیا و ئۆکڕاینا دەمێنێتەوە.

زانیاریی زیاتر: زاخارۆڤا لە وەڵامی پرسیاری ئایا هیچ ڕێککەوتێکی نوێ بۆ دانوستان هەیە، لە ئیستەنبووڵ بەردەوام دەبێت؟ گوتی: ڕێککەوتی دانوستانی داهاتووی نێوان هەردوو وڵات لەلایەن سەرۆکی شاندی دانوستانکارەوە دیاری دەکرێت، چاوەڕێ دەکەین ئەوان لەو بارەیەوە زانیاریمان پێ بدەن.

باکگراوند: لە 2ـی حوزەیراندا بە نێوەندگیری ئەمریکا و تورکیا، یەکەم گەڕی دانوستانی نێوان ڕووسیا و ئۆكراینا لە ئیستەنبووڵ کرا. دواتر، لە 6ـی حوزەیران گەڕی دووەمی کرا و تەرمی سەربازە کوژراوەکان و دیلە سەربازەکانی خوار 25 ساڵ، ئەوانەی کە بریندارن، لە نێوان هەردوو وڵات ئاڵوگۆڕکرا.