بەرگریی شارستانیی سۆران ڕوونکردنەوەیەک لەبارەی دۆزینەوەی تەرمی مامۆستا ئاڤێستا بڵاودەکاتەوە

ئاڤا نیوز

 

بەرگری شارستانیی سۆران هەموو ئەو دەنگۆیانەی باس لە دۆزینەوەی تەرمی مامۆستا ئاڤێستا دەکەن ڕەتدەکاتەوە و دەڵێت: هێشتا پرۆسەی گەڕان بەردەوامی هەیە.

 

چیرۆكی سەرەكی: ڕۆژی 5-4-2025، ئاڤێستا یوسف بەرزنجی كە بۆ گەشت و سەیران سەردانی دەڤەری بارزانی كردبوو، لەوێ كاتێك دەچنە سەر ڕووباری ڕێزان براكەی لەسەر بەردێك دەخزێ و دەكەوێتە نێو ئاو و ئەویش بۆ دەربازكردنی براكەی دەچێتە پێش و ئەویش دەكەوێتە نێو ئاوەكە و دواجار براكەی ڕزگاری دەبێت و ئاڤێستاش نوقم دەبێت.

 

لێدوانی فەرمی: ڕائید ڕەوەند هاودیانی، وتەبێژی بەرگری شارستانیی سۆران بە ئاڤا میدیای ڕاگەیاند، هەموو ئەو هەواڵانەی ئەمڕۆ هەینی لەبارەی دۆزینەوەی تەرمی مامۆستا ئاڤێستا لە تۆڕە کۆمەڵایەتییەکان بڵاوکراونەتەوە دوورن لە ڕاستی، جگە لەوە ڤیدیۆیەک بڵاوکراوەتەوە گوایە ئەمە تەرمی مامۆستا ئاڤێستایە، بەڵام ڤیدیۆکە کۆنە و پەیوەندی نییە بە کەیسی مامۆستا ئاڤێستا.

 

زانیاریی زیاتر: ڕائید ڕەوەند هاودیانی، ئەوەش دەڵێت: ڕۆژانە چوار تا هەشت تیم بەدوای تەرمی مامۆستا ئاڤێستا دەگەڕێین و پرۆسەکە تا ڕۆژی 5-7 بەردەوام دەبێت، کە دەکاتە سێ مانگ. دوای ئەو ڕێککەوتە پرۆسەی گەڕان کۆتایی دێت.