کۆمیسیۆن: لە ماوەی 15 ڕۆژدا وردبینی بۆ ناوی کاندیدان تەواو دەبێت

ئاڤا نیوز

 

کۆمیسۆنی هەڵبژاردنەکانی عێراق ڕایگەیاند: وردبینکردنی بۆ ناوی کاندیدانی هەڵبژاردنی داهاتووی پەرلەمان پێویستە بە 15 ڕۆژە تاوەکو تەواو دەبێت.

 

وێنە گەورەکە: بڕیارە 2025-11-11، هەڵبژاردنی خولی شەشەمی ئەنجوومەنی نوێنەرانی عێراق بکرێت، کۆمیسیۆنی باڵای سەربەخۆی هەڵبژاردنەکانیش بەردەوامە، لە دوای تەواوبوونی پرۆسەی وەرگرتنی لیستی کاندیدان لە 26ی ئەم مانگە، پرۆسەی وردبینی لیستەکە دەستپێدەکات و دوو هەفتە دەخایەنێت.
 
لێدوانی فەرمی: موهەنەد موستەفا، ئەندامی تیمی ڕاگەیاندنی کۆمیسیۆنی باڵای سەربەخۆی هەڵبژاردنەکانی عێراق ڕایگەیاند: دوای تەواوبوونی پرۆسەی وەرگرتنی لیستی ناوی کاندیدان هەنگاوی ناردنی داتای کاندیدەکان لە فەرمانگەکانی پارێزگاکان بۆ فەرمانگەی نیشتمانی دەستپێدەکات، پاشان بۆ لایەنە پەیوەندیدارەکان بۆ وردبینی دەنێردرێت، پرۆسەی وردبینییەکە پێویستی بە 15 ڕۆژە تاوەکو تەواو دەبێت.

 

زانیاریی زیاتر: ئەو لایەنانەی پرۆسەی وردبینی ئەنجامدەدەن بریتین لە؛ هەردوو وەزارەتی بەرگریی و ناوخۆ و دەستەی لێپرسینەوە و دادپەروەری، دەستەی دەستپاکی هاوکات لایەن ئەمنییەکان و وەزارەتی ناوخۆ و بەڕێوەبەرایەتیی بەڵگەی تاوانەکان و هەردوو وەزارەتی پەروەردە و خوێندنی باڵا و توێژینەوەی زانستی لە هەرێمی کوردستان.