ساڵی ڕابردوو زۆرترین جیابوونەوەی هاوسەران لە سلێمانی تۆمار کراوە

ئاڤا نیوز

بەپێی ئاماری رێکخراوی هاریکاری خێزان، ساڵی ڕابردوو زۆرترین جیابوونەوەی هاوسەران لە سلێمانی تۆمار کراوە و کەمترینیش لە کەرکووک - گەرمیان.

چیرۆکی سەرەکی: رێکخراوی هاریکاری خێزان بە پشتبەستن بە ئامار و داتای فەرمانگە و دامەزراوە فەرمییەکانی هەرێمی کوردستان ئاماری کێشە خێزانییەکان و لیژنەکانی ئاشتەوایی لە ساڵی رابردوو بڵاوکردەوە.

لێدوانی فەرمی: گۆنا مەجید، پارێزەر لە ڕێکخراوەکە لە کۆنگرەیەکی ڕۆژنامەوانیدا گوتی: ساڵی ڕابردوو 13 هەزار و 17 سکالا لەسەر کێشە و توندوتیژی خێزانی تۆمار کراون، 12 هەزار و 274 کەسیش پەیوەندییان بە هێڵی گەرمی 119 کردووە، 57 کەیسی هەڕەشکردنی بڵاوکردنەوەی وێنە و ڤیدیۆ و 63 کەیسی دەستدرێژی سێکسیش تۆمار کراون.

ژمارەکان وادەڵێن: بەپێی ئامارەکانی ئەم ڕێکخراوە ڕێژەی مارەبڕین و جیابوونەوە لە دوو ساڵی ڕابردوو بەمجۆرەیە:

مارەبڕین:

هەولێر:
لە ساڵی 2023ـدا 17 هەزار و 453 
لە ساڵی 2024ـدا 17 هەزار و 591

سلێمانی:
لە ساڵی 2023ـدا 20 هەزار و 427
لە ساڵی 2024ـدا 18 هەزار و 522

دهۆک:
لە ساڵی 2023ـدا 12 هەزار و 499
لە ساڵی 2024ـدا 12 هەزار و 199

کەرکووک - گەرمیان:
لە ساڵی 2023ـدا دوو هەزار و 618
لە ساڵی 2024ـدا دوو هەزار و 706

جیابوونەوە:

هەولێر:
لە ساڵی 2023ـدا پێنج هەزار و 857 
لە ساڵی 2024ـدا سێ هەزار و 878

سلێمانی:
لە ساڵی 2023ـدا پێنج هەزار و 438
لە ساڵی 2024ـدا پێنج هەزار و 745

دهۆک:
لە ساڵی 2023ـدا دوو هەزار و 164
لە ساڵی 2024ـدا دوو هەزار و 33

کەرکووک-گەرمیان:
لە ساڵی 2023ـدا 853
لە ساڵی 2024ـدا 728

گۆشەیەکی دیکەی دیمەنەکە: لە ساڵی ڕابردوو لە ڕێگەی لیژنەی ئاشتەواییدا سێ هەزار و 774 خێزان کێشەیان چارەسەر کراوە و ڕێکخراونەتەوە.