لەیلا زانا: بە تێكۆشانی مەلا مستەفا بارزانی هەستمان بە كوردایەتی كرد

ئاڤا نیوز 

لەیلا زانا، سیاسەتمەرداری كورد، لەمەراسیمی یادی نەورۆز لە دیاربەكر، باسی لەرۆڵ و تێكۆشان و هەوڵەكانی كەسایەتی و ڕێبەری كورد مەلا مستەفا بارزانی كرد.

چیرۆكی سەرەكی: ئەمڕۆ لە دیاربەكری باكووری كوردستان، دەیان هەزار كورد لە مەراسیمی یەكەم رۆژی جەژنی نەورۆزی كوردان ئامادەبوون. لەوێ لەیلا زانا  گوتی: ئێمە بە تێكۆشانی مەلا مستەفای بارزانی هەستمان بە كوردایەتی كرد.

ئەوەی پێویستە بیزانیت: سیاسەتمەدارو ئەندامانی پارتە كوردییەكان گوتارە سیاسییەكانیان لە دواین ڕۆژی بانگەشەی هەلبژاردنەكانی شارەوانی باكووری كوردستان و توركیا  لەو مەراسیمەدا پێشكەش بە ئامادەبووان كرد.

لە لایەكی دیكەوە: تونجەر بەكرهان، هاوسەرۆكی دەم پارتی هەر لەو مەراسیمەدا باسی لە یەكگرتووی و هێزی كوردەكان كرد و پەیامێكی بۆ حكومەتی توركیا نارد و  گووتی: لە جیاتی هێرشكردن و ئۆپەراسیۆنی گەورە دانووستان بكەن. 

باكگراوند: لەیلا زانا، سیاسەتمەدارێكی دێرینی كورد و پەرلەمانتاری پیشووی توركیایە، ڕۆڵی ژنێكی بوێر و داكۆكیكاری سەرسەختی مافەكانی كورد لە توركیا دەبینێت.