ئاژانسی نێودەوڵەتیی وزەی ئەتۆم: ئێران دەست بە پیتاندنی یۆرانیۆم دەکاتەوە

ئاڤا نیوز

سەرۆکی گشتیی ئاژانسی نێودەوڵەتیی وزەی ئەتۆمی ئاشکرای دەکات، ئێران دەتوانێت لە ماوەی چەند مانگێکی دیکە دەست بە پیتاندنی یۆرانیۆم بکاتەوە.

 

چیڕۆکی سەرەکی: ڕۆژی 22-6-2025، ئەمریکا هێرشی کردە سەر سێ ناوەندی سەرەکیی ئەتۆمی ئێران لە ئەسفەهان، فۆردۆ و نەتەنز و خاپووری کردن. ترەمپ ڕایگەیاند، ئەمریکا هیوای ئێرانی بۆ بوونە خاوەن چەکی ئەتۆمی لەناوبرد.

 

لێدوانی فەرمی: ڕافائیل گرۆسی، سەرۆکی گشتیی ئاژانسی نێودەوڵەتیی وزەی ئەتۆم بە کەناڵی سی.بی.ئێسی ڕاگەیاند: سەرەڕای ئەو زیانە زۆرەی كە بەهۆی هێرشەکانی ئەمریکا و ئیسرائیل بەر بنکە ئەتۆمییەکانی ئێران کەوتووە، بەڵام پێشبینی دەکەین لە چەند مانگی ئایندە لە ئێران دەست بە بەرهەمهێنانی یۆرانیۆمی پیتێنراو بكرێتەوە.

 

لەلایەکی دیکەوە: گرۆسی ئاماژەی بەوە دا، ڕەنگە هەندێک یۆراینۆمی پیتێنراوی ئێران بەهۆی هێرشەکەی ئەمریکا لەناوچووبێت و هەندێکی دیکەیان گواستبێتەوە، بەڵام ئێمە شوێنەکەی نازانین.

 

زانیاریی زیاتر: ئەمە لە کاتێکدایە ئەمریکا چەندین جار دووپاتی کردووەتەوە بەهۆی هێرشەکانیانەوە بەرنامە ئەتۆمییەکەی ئێرانیان بۆ دەیان ساڵ دوا خستووە.