جووتیارانی پارێزگای سەماوە بەهۆی دواکەوتنی شایستە داراییەکانیان گردبوونەوە

ئاڤا نیوز

دەیان جووتیار لە شاری سەماوە ناوەندی پارێزگای موسەننا لەبەردەم سایلۆی پارێزگاکە گردبوونەوە و سایلۆکەیان داخست و ناڕازین لە دواخستنی پێدانی شایستە داراییەکانیان، داوا دەکەن بە زووترین کات پارەکانیان خەرج بکرێت.

چیرۆکی سەرەکی: بۆ سێیەم جار جووتیارانی پارێزگای سەماوە گردبوونەوە و داوای پارەی گەنمەکانیان دەکەن و هۆشداریی دەدەن ئەگەر داواکانیان جێبەجێ نەکرێت خۆپیشاندانی فراوانتر ئەنجامدەدەن.

لێدوانی فەرمی: موئەیەد ئەلیاسری، پەرلەمانتاری عێراق لە پارێزگای موسەننا بە میدیاکانی ناوخۆی عێراقی ڕاگەیاند: دووپاتی دەکەینەوە کێشەکە پەیوەندیی بە پارێزگاکاوە نییە، بڕیاری خەرجکردنی شایستە داراییەکانی جووتیاران بەدەست حکومەتی ناوەندییە لە بەغدا، نووسراوی فەرمییمان بۆ حکومەتی ناوەندی کردووە لەپێناو خێراکردنی خەرجکردنی پارەی ئەو جووتیارانە.

زانیاریی زیاتر: پێشتر حکومەتی عێراق بڕیاری دابوو تەنیا 20%ـی شایستە داراییەکانی ئەو جووتیارانە خەرج بکرێت و ئەمەش ناڕەزایەتیی بەدوای خۆیدا هێنا.