بە گوژمەی زیاتر لە یەک ملیار دینار سێ ڕێگای سەرەکی کۆیە نۆژەن دەکرێنەوە

ئاڤا نیوز

لەسەر ڕاسپاردەی وەزارەتی ئاوەدانکردنەوەی حکومەتی هەرێمی کوردستان، بڕیارە سێ ڕێگای سەرەکی کۆیە نۆژەن بکرێنەوە، زیاتر لە یەک ملیار دیناری بۆ تەرخان کراوە.

لێدوانی فەرمی: ئەندازیار كۆسار حەمەد، بەڕێوەبەری چاكکردنەوە و پاراستنی ڕێگاوبانی كۆیە، بە ئاڤا میدیای ڕاگەیاند، دەرخستەمان بۆ ڕێگا سەرەکییەکان کۆیە کردووە، لەلایەن وەزارەتی ئاوەدانکردنەوە تەندەرینگی بۆ کراوە و دراوە بە کۆمپانیەکی ناوخۆ، بڕیارە لە هەفتەی داهاتوو دەست بەکارەکان بکات.

زانیاریی زیاتر: پڕۆژەکە سێ ڕێگای سەرەکی کۆیە دەگرێتەوە، یەکەمیان ڕێگای کۆیە - تەق تەقە نزیکەی حەوت کیلۆمەتر دەبێت،  دووەمیان ڕێگای کۆیە- ڕاپەرینە، کە نزیکەی هەشت کیلۆمەتر دەبێت، سێیەمیان ڕێگای هەولێر- کۆیە، دەگرێتەوە، ئەو شوێنانەی کە پێویستیان بە نۆژەنکردنەوەیە.

ئەوەی پێویستە بیزانیت: بڕی یەك ملیار و 500 ملیۆن دینار بۆ نۆژەنەوەی سێ ڕێگاکە دانراوە، بەشێكی زۆری قیڕە كۆنەكە هەڵدەگیرێت و قیڕی تازە دەكرێتەوە.