هاتووچۆی سلێمانی چەند ڕێنماییەک دەردەکات

ئاڤا نیوز

لەگەڵ دەستپێکی وەرزی گەرمادا شۆفێران ئاگادار دەکرێنەوە، بۆ پاراستنی خۆیان و ئۆتۆمبێلەکانیان ڕەچاوی چەند ڕێنماییەک بکەن، بۆ ئەوەی تووشی کارەسات نەبن.

ڕاگەیێنراوی فەرمی: لە ڕاگەیێنراوێکدا بەڕێوەبەرایەتی هاتووچۆی سلێمانی کۆمەڵێک ڕێنمایی بۆ خۆپارێزی شۆفێر و ئۆتۆمبێلەکانیان دەرکردووە، بەم شێوەیەیە:

٠ منداڵ لەنێو ئۆتۆمبێلەکەت بەجێمەهێڵە، ڕەنگە گەرمای نێو ئۆتۆمبێلەکەت ببێتە هۆی مردنی.

٠ ئاژەڵی ماڵی لەنێو ئۆتۆمبێل جێ مەهێڵە، ڕەنگە بەهۆی گەرمای نێو ئۆتۆمبێلەکەتەوە کۆتایی بە ژیانی بێت.

٠ مۆبایل و هەر ئامێرێکی دیکە کە بە پاتری کار بکات، نابێت لەنێو ئۆتۆمبێل بەجێبهێڵدرێت، چونکە ڕەنگە ببێتە هۆی گڕگرتنی ئۆتۆمبێلەکەت.

٠ بوتڵی ئاو نابێت لەنێو ئۆتۆمبێل بەجێبهێڵرێت، ڕەنگە بەهۆی تێپەڕبوونی تیشکی خۆرەوە، ببێتە هۆی گڕگرتنی ئۆتۆمبێلەکەت.

ئەوەی پێویستە بیزانیت: ئەگەر لە دەرەوەی ئوتومبێل پلەی گەرمی 16 پلە  بێت، ئەوا لە ناو ئوتومبێل پلەی گەرمی دەگاتە 38 پلە.

زانیاری بەدەستهاتوو: بەگوێرەی توێژینەوەیەکی زانکۆی ستاندفۆرد بەشی دەرمانسازی، لە کاتی پارککردنی ئۆتۆمبێلەکاندا پلەی گەرمی لە ماوەی 30 خولەکدا بە تەواوی بەرزدەبێتەوە.