دەیان هاووڵاتیی بیانی لە بەغدا دەستگیر دەکرێن

ئاڤا نیوز

هێزە ئەمنییەکانی بەغدا لە چەند ناوچەیەکدا، 31 کرێکاری بیانی دەستگیر دەکەن کە بە نایاسایی هاتبوونە عێراق.

وێنە گەورەکە: نزیکەی یەک ملیۆن و 500 هەزار کرێکاری بیانی لە عێراق کاردەکەن، بەشێکی زۆریان مۆڵەتی فەرمییان نییە. و بە قاچاخ هاتوونەتە ناو خاکی عێراق، بۆیە دەستگیر دەکرێن و دیپۆرتی وڵاتەکانیان دەکرێنەوە.

ڕاگەیێنراوی فەرمی: فەرماندەیی ئۆپەراسیۆنەکانی بەغدا ڕایگەیاند: پۆلیسی فیدراڵی بە هەماهەنگی هەواڵگری لە هەڵمەتێكدا بۆ بەدواداچوون بۆ دۆخی کرێکارانی بیانی لە ناوچەی غەزالیە لە بەغدا، 31 کەسی بیانیی دەستگیر کرد کە بەڵگەنامەی فەرمی و نیشتەجێبوونی یاسایییان نەبووە.

زانیاریی زیاتر: بە گوێرەی بەڕێوەبەری نیشینگە لە وەزارەتی ناوخۆ ساڵی ڕابردوو تەنیا لە بەغدا 20 هەزار و 598 سەرپێچیکار دیپۆرت کراونەتەوە، هاوکات ژمارەکە بۆ هەموو عێراق گەیشتووەتە زیاتر لە 36 هەزار کەس.