مەنسوور بارزانی: بێویژدانییە لافاوەکەی دهۆک بە بابەتی سیاسی ببەسترێتەوە

ئاڤا نیوز

مەنسوور بارزانی، نوێنەری سەرۆک بارزانی ڕایگەیاند "گەورەترین بێویژدانییە ئەگەر ڕووداوەکەی لافاوی دهۆک بە بابەتی سیاسیەوە ببەسترێتەوە".

وێنە گەورەکە: مەنسوور بارزانی چوار ڕۆژە لە دهۆکە،  چاودێری پاككردنەوەی شارەكە لە پاشماوەی لافاو و بارودۆخی ئەو خەڵکە دەکات کە تووشی زەرەرو زیان بوون.

لێدوانی فەرمی: مەنسوور بارزانی، نوێنەری سەرۆک بارزانی لە وەڵامی پرسیاری پەیامنێری ئاڤا نیوز لە دهۆک گوتی: پێش هاتنی جەژنی ڕەمەزان هەموو ئەو کەسانەی کە لە دهۆک بەهۆی لافاوەکەوە زەرەر و زیانیان بەرکەوتووە قەرەبوو دەکرێنەوە.

زانیاریی زیاتر: خاوەنی ئەو ئۆتۆمبێلانەی کە زیانیان بەرکەوتووە، لەگەڵ ئەو خیزانانەی کە ئاو چووەتە ناو ماڵەکانیان هەموویان قەرەبوو دەکرێنەوە،  گەورەترین بێ ویژدانییە بۆ هەر کەسێک و هەرلایەنێکی سیاسی ڕووداوی لافاوەکە بە بابەتی سیاسییەوە ببەستێتەوە، سەرۆک بارزانی خەمخۆری هەموو تاکێکی کوردە بە بریاری ئەو دەستمانکردووە بە قەرەبووکردنەوەی زیانلێکەوتووان. مەنسوور بارزانی وای گوت.

باکگراوند: 19 ی ئەم مانگە، بەشێک لە گەڕەکەکانی دهۆک کەوتنە بەر لافاو و سێ کەس گیانیان لەدەستدا، زیاتر لە 100 خێزانیش تووشی زیانی ماددی بوون.