هێلیکۆپتەری شاندێكی یەکێتیی ئەفریقا لە سۆماڵ دەکەوێتە خوارەوە

ئاڤا نیوز

هێلیکۆپتەری شاندێكی یەکێتیی ئەفریقا کە لە هەشت سەرنشین پێکهاتبوون، لە فڕۆکەخانەی سۆماڵ کەوتە خوارەوە و گومان دەکرێت زیانی گیانی هەبێت.

 

چیرۆکی سەرەکی: شاندێكی یەکێتیی ئەفریقا لەمیانی سەردانێکیاندا بۆ وڵاتی سۆماڵ، هێلیکۆپتەرەکەیان لە فڕۆکەخانەی نێودەوڵەتیی مەقدیشۆ کەوتە خوارەوە، بەپێی زانیارییەکان شاندەکە لە هەشت کەس پێکهاتبوون و لەپێناو سەقامگیرکردنی دۆخی سۆماڵ و بەدیهێنانی ئاشتی سەردانی ئەو وڵاتەیان کردبوو.

 

بڵاوکراوەی فەرمی: بەپێی بڵاوکراوەیەکی پۆلیسی مەقدیشۆ تاوەکو ئێستا هۆکاری ڕووداوەکە بەتەواوی دیاری نەکراوە و لەنێو سەرنشینەکاندا گومان دەکرێت زیانی گیانی هەبێت.

 

ئەوەی پێویستە بیزانیت: سۆماڵ بە قۆناغیکی هەستیار و دژواری ناکۆکی و شەڕی گرووپە چەکدارەکان و حکومەتدا تێدەپەڕێت، یەکێتی ئەفریقا لە هەوڵی بەردەوامدایە بۆ سەقامگیرکردنی دۆخەکە و کۆتایهێنان بە ناکۆکیەکان، لەو چوارچێوەیەشدا و دوای جێگیرکردنی 11 هەزار سەرباز لە سۆماڵ، ئێستا قۆناغی دەستپێکردنی گفتوگۆ و هەوڵدان بۆ هێنانەدی ئاشتی دەستپێکردووە.