باڵیۆزی فینلاندا لە عێراق: پێویستە ڕێز لە سیستمی فیدڕاڵی و قەوارەی دەستووریی هەرێمی كوردستان بگیرێت

ئاڤا نیوز

باڵیۆزی فینلاندا لە عێراق، دووپات لە پێویستیی چارەسەركردنی كێشەكانی نێوان حكومەتی هەرێمی كوردستان و حكومەتی فیدڕاڵ دەكاتەوە، بەجۆرێك ڕێز لە سیستمی فیدراڵی و قەوارەی دەستووریی هەرێمی كوردستان بگیرێت.

چیرۆكی سەرەكی: ئەمڕۆ چوارشەممە 2ـی تەمموزی 2025، مەسرور بارزانی، سەرۆکی حکومەتی هەرێمی کوردستان، پێشوازی لە ئانو سارێلا، باڵیۆزی فینلاندا لە عێراق کرد.

ڕاگەیێنراوی فەرمی: بەگوێرەی ڕاگەیێنراوی حكومەتی هەرێمی كوردستان، لەمیانی دیدارەكەدا، سەرۆكی حكومەتی هەرێمی كوردستان سوپاسی باڵیۆزی فینلاندای كرد بۆ هەوڵ و كارەكانی لەپێناو پەرەپێدانی پەیوەندییە دوولایەنەكانی فینلاندا و عێراق و هەرێمی كوردستان.

لەلایەكی دیكەوە: باڵیۆزی فینلاند پێزانینی خۆی بۆ هەماهەنگی و هاریکاریی حکومەتی هەرێمی کوردستان دەربڕی و خواستی وڵاتەکەی بۆ بەهێزکردنی پەیوەندییەکان لەگەڵ هەرێمی کوردستان نیشان دا.

بابەتە ستراتیژییەکان: لە دیدارەکەدا گفتوگۆ لەبارەی دوایین گۆڕانکاری و پەرەسەندنەکانی بارودۆخی گشتیی عێراق و ناوچەکە و پێویستیی چارەسەرکردنی کێشەکانی هەرێمی کوردستان و حکومەتی فیدراڵ کرا و جەخت لە گرنگیی ڕێزگرتن لە سیستەمی فیدراڵی عێراق و قەوارەی دەستووری هەرێمی كوردستان و ماف و شایستە داراییەکانی خەڵكی كوردستان کرایەوە.