ڕووسیا و ئۆکراینا لە هێرشکردنە سەر خاکی یەکتر بەردەوامن

ئاڤا نیوز

سەرەڕای تەواوی هەوڵەکان بۆ ڕاگرتنی هێرشەکانی هەر یەکە لە ڕووسیا و ئۆکراینا، بەڵام هێشتا هەردوولا لە هێرشکردنە سەر یەکتری بەردەوامن، لە دەرئەنجامی هێرشەکانی شەوی ڕابردوو لە هەردوولا بریندار هەبوون.

چیرۆکی سەرەکی: لەمیانەی هێرشێکی شەوی ڕابردووی ڕووسیا بۆ سەر ناوچەی ئۆدێسا لە باشووری ئۆکراینا پێنج کەس برینداربوون کە دووانیان منداڵن، ڕاپۆرتە سەرەتاییەکان ئاماژە بەوە دەکەن کە هێرشەکە دامەزراوە گرنگەکانی ناو بەندەرەکەی کردۆتە ئامانج

لەلایەکی دیکەوە: وەزارەتی بەرگری ڕووسیا ڕایگەیاند، لە ماوەی شەوێکدا 10 فڕۆکەی بێفڕۆکەوانی ئۆکراینایان لە ئاسمانی ناوچەی لیپێتسک تێکشکاندووە، هاوکات دەشڵێت بەهۆی ‌هێرشەکەوە کەسێک کوژرا و دووانی دیکەش برینداربوون.