زۆربەی فڕۆکەخانەکانی ئێران کرانەوە

ئاڤا نیوز

دوای زیاتر لە 20 ڕۆژ داخرانی بەشێکی گەورەی ئاسمانی ئێران بە ڕووی گەشتە ناوخۆیی و دەرەکییەکاندا، دامەزراوەی فڕۆکەوانی ئەو وڵاتە کرانەوەی زۆربەی فڕۆکەخانەکانی ڕایگەیاند.

 

ڕاگەیێنراوی فەرمی: بە گوێرەی ڕاگەیێنراوەکە "فڕۆکەخانەکانی میهرئاباد و ئیمام خومەینی لە تاران لەگەڵ فڕۆکەخانەکانی باکوور، ڕۆژهەڵات، ڕۆژئاوا و باشووری وڵات جارێکی دیکە دەستیان بە چالاکی کردووەتەوە"

 

زانیاریی زیاتر: هێشتا فڕۆکەخانەکانی تەورێز و ئەسفەهان بە داخراویی ماونەتەوە، بەڵام کار لەسەر دووبارە کردنەوەیان دەکرێت.  

 

پەیوەست بەم بابەتەوە: بەهۆی شەڕی ئێران و ئیسرائیلەوە، دەیان کۆمپانیای فڕۆکەوانی لەوانە کانتاس، لوفتهانزای ئەڵمانی، یونایتد ئێرلاینز و ئێر ئیندیا لە سێ هەفتەی ڕابردوودا بە ناچاری ڕێڕەوەکانیان لە ئاسمانی ئێرانەوە گۆڕی بوو.