ترەمپ و پووتین سەبارەت بە ئێران و ناوچەکە گفتوگۆیان کرد

ئاڤا نیوز

کۆشکی سەرۆکایەتیی ڕووسیا، کرملین، ڕایگەیاند: ڤلادیمیر پووتین، سەرۆکی ڕووسیا، و دۆناڵد ترەمپ، سەرۆکی ئەمریکا، گفتوگۆیەکی تەلەفۆنییان ئەنجام داوە.

 

وێنە گەورەکە: دوای ڕاگەیاندنی ئاگربەستی نێوان ئیسرائیل و ئێران لەلایەن دۆناڵد ترەمپەوە، ئێستا سەرۆکی ئەمریکا هەوڵەکانی چڕکردووەتەوە بۆ هێنانە کایەی ئاگربەستێک لە نێوان ڕووسیا و ئۆکراینا. 

 

بڵاوکراوەی فەرمی: بە گوێرەی کرملین، پووتین و ترەمپ سەبارەت بە ئێران و ڕۆژهەڵاتی ناوەڕاست بە وردی گفتوگۆیان کردووە و پووتین جەختی لەسەر چارەسەری دیپلۆماسی بۆ ململانێکانی ڕۆژهەڵاتی ناوەڕاست کردووەتەوە. پووتین هەروەها سەبارەت بە ئۆکراینا بە ترەمپی گوتووە کە ڕووسیا پاشەکشە لە ئامانجەکانی ناکات، بەڵام ویستیشی بۆ چارەسەرێک لە ڕێگەی گفتوگۆوە هەیە. 

 

زانیاریی زیاتر: کرملین پەیوەندییە تەلەفۆنییەکەی بە "هاوئاهەنگ، پراکتیکی و ڕوون" وەسف کردووە.