ڕووسیا گەورەترین هێرش دەکاتە سەر ئۆکراینا

ئاڤا نیوز

ڕووسیا هێرشێکی درۆنی و مووشەکیی فراوانی کردە سەر ئۆکراینا، ئۆکراینا ڕایگەیاند هێرشەکە گەورەترین بووە لە سەرەتای شەڕەوە.

 

چیرۆکی سەرەکی: ڕووسیا تەنیا لە یەک شەودا زیاتر لە 539 درۆن و 11 مووشەکی ئاراستەی ئۆکراینا کردوون. سوپای ئۆکراینا دەڵێت: توانیویانە 268 درۆن و 2 مووشەک بخەنە خوارەوە. 

 

زانیاریی زیاتر: بەگوێرەی زانیاریی سەرەتاییەکان لە ناوخۆی ئۆکرایناوە، بەهۆی هێرشەکانەوە لانیکەم 23 کەس بریندار بوون. 

 

ئەمەش بزانە: بەردەوامیی هێرشەکان لە کاتێکدان کە ڤلادیمیر پووتینی سەرۆکی ڕووسیا بە دۆناڵد ترەمپی سەۆرکی ئەمریکای ڕاگەیاندووە، لەگەڵ ئەوەدا دەیەوێت کێشەکە چارەسەر بکات، بەڵام لە ئامانجەکانی پاشەکشە ناکات.

 

لەلایەکی دیکەوە: ترەمپ ڕایگەیاند: لە گفتوگۆکانی لەگەڵ پووتین سەبارەت بە شەڕی ئۆکراینا هیچ بەرەپێشچوونێک بەدی نەهات.