ڕاوێژکاری ئابووریی سوودانی هۆکاری دواکەوتنی خشتەکانی بودجە ڕوون دەکاتەوە

ئاڤا نیوز

 

ڕاوێژکاری سەرۆکوەزیرانی عێراق بۆ کاروباری ئابووریی، هۆکاری دواکەوتنی خشتەکانی بودجەی ساڵی 2025  ڕوون دەکاتەوە، لە بەڕێوەبردنی سیاسەتی دارایی و ئابووریی وڵاتداتیشدا حکومەتی ئێستای عێراق بەسەرکەوتوو دەزانێت.

 

چیرۆکی سەرەکی: دوای دواکەوتنی بۆ ماوەی زیاتر لەشەش مانگ، ئەنجوومەنی وەزیرانی عێراق لە ناردنی خشتەی بودجەی ساڵی 2025 بۆ پەرلەمان هیچ وادەیەکی بۆ ناردنی دیاری نەکردووە و پەرلەمانی عێراقیش نیگەرانە.

لێدوانی فەرمی:  مەزهەر محەممەد ساڵح، ڕاوێژکاری سەرۆکوەزیرانی عێراق بۆ کاروباری ئابووریی، ڕایگەیاند: خشتەکانی بودجەی ساڵی 2025 لەئەنجوومەنی وەزیران بە دوو هۆکار دواکەوتووە:

یەکەم: دواکەوتنی هەموارکردنەوەیەی یاسای بودجەی گشتیی سێ ساڵەیی سەبارەت بە گرێبەستەکانی نەوتی هەرێمی کوردستان و تێچووی گواستنەوەی نەوتەکەی.

دووەم: ناجێگیری بازاڕەکانی وزەی جیهانی و کاریگەریی نرخی نەوت لەسەر بودجەی گشتی، ئەمەش پێویستی بە دووبارە پێداچوونەوە لە داهات، خەرجییەکان و پرکردنەوەی کورتهێنان هەبوو.

زانیاریی زیاتر: ساڵح ئاماژەی بەوەشکرد، لە بەڕێوەبردنی سیاسەتی دارایی و ئابووری وڵاتدا حکومەتەکەی سوودانی تاوەکو ئێستا سەرکەوتوو بووە .