مەسرور بارزانی بەشداری لە پرسەی تێكۆشەرێكی ناسراوی بادینان دەكات

ئاڤا نیوز

سەرۆكوەزیران مەسرور بارزانی، لە پرسەی تێكۆشەر و كەسایەتی ناسراوی دەڤەری بادینان 'موحسین ئامێدی' بەشداری دەكات و هاوخەمیی خۆی دەگەیەنێت.

چیرۆكی سەرەكی: ئەمڕۆ هەینی 2025-07-04، سەرۆکوەزیران مەسرور بارزانی، لە قەزای ئامێدی، بەشداری لە پرسەی تێکۆشەر و کەسایەتیی ناسراوی بادینان 'محسین ئامێدی' کرد و، سەرەخۆشی و هاوخەمیی خۆی بە بنەماڵە و كەسوكاری خوالێخۆشبوو گەیاند.

بڵاوكراوەی فەرمی: ماڵپەڕی فەرمی حكومەتی هەرێمی كوردستان، بڵاویكردووەتەوە، سەرۆکی حکومەت لە پرسەی كۆچكردوو، سەرەخۆشی و هاوخەميی خۆی بە بنەماڵە و کەسوکاری خوالێخۆشبوو گەیاند و هیوای خواست، خوای مەزن گیانی بە بەهەشت شاد بکات و ئارامی و دڵنەواییش بە بنەماڵە و کەسوکار و هەڤاڵانی ببەخشێت.

زانیاریی زیاتر: بنەماڵەی موحسین ئامێدی، سوپاس و پێزانینی خۆیان بۆ هاوخەمی و ئامادەبوونی سەرۆکی حکومەت لە پرسەکەیان دەربڕی.

لەلایەکی دیکەوە: دوێنی پێنجشەممە، سەرۆکی بارزانی سەرەخۆشیی لە محەممەد موحسینی کوڕی خوا لێخۆشبوو کرد.

باکگراوند: موحسین ئامێدی، کەسایەتیی نیشتیمانپەروەر و هەڵگری مەدالیای بارزانی نەمر، پێشمەرگەی هەردوو شۆڕشی ئەیلوول و گوڵان بوو، ڕۆژی پێنجشەممە 3ـی تەمموزی 2025، بەهۆی نەخۆشییەوە کۆچی دوایی کرد.