ڕووسیا بە گەورەترین هێرشی درۆنی کیێڤی کردە ئامانج

ئاڤا نیوز

ڕووسیا گەورەترین هێرشی درۆنیی سەرتاسەری جەنگی بۆ سەر کیێڤی پایتەختی ئۆکرانیا ئەنجام دا، کە بووە هۆی کوژرانی کەسێک، برینداربوونی لانیکەم 23 کەسی تر و زیان گەیاندن بە چەندین باڵەخانە لە شارەکەدا.

وێنە گەورەکە: سەرەڕای هەوڵەکان بۆ ئاگربەست و کۆتاییهێنان بە جەنگی نێوان ڕووسیا و ئۆکراینا، بەڵام هێرشەکانی هەردوولا بۆ سەر یەکتر بەردەوامە.

لێدوانی فەرمی:  ڤۆلۆدیمێر زێلێنسکی، سەرۆکی ئۆکراینا هێرشەکەی بە "ئەنقەست و بەرفراوان و بێبەزەییانە" ناوبرد و ئاماژەی بەوە کرد کە یەکەم زەنگی ئاگادارکردنەوە هاوکات بوو لەگەڵ بڵاوبوونەوەی هەواڵی پەیوەندییەکەی پووتین و ترەمپ.

لەلایەکی دیکەوە: دۆناڵد ترەمپ، سەرۆکی ئەمریکا ڕایگەیاند، پەیوەندییە تەلەفۆنییەکەی لەگەڵ پووتین "هیچ پێشکەوتنێکی" بۆ کۆتاییهێنان بە جەنگ بەدەست نەهێناوە.

بۆچوونی لایەنی بەرامبەر: وەزارەتی بەرگریی ڕووسیا ڕایگەیاند، لە هێرشەکەیاندا کارگەکانی دروستکردنی درۆن، فڕۆکەخانەیەکی سەربازی و پاڵاوگەیەکی نەوتیان لە کیێڤ بە وردی کردووەتە ئامانج.

زانیاریی زیاتر: هێزی ئاسمانیی ئۆکراینا بڵاویکردەوە، ڕووسیا بە گشتی 539 درۆن و 11 مووشەکی ئاڕاستەی کیێڤ کردووە، و توانیویانە 478 دانەیان بخەنە خوارەوە. هاوکات، بەهۆی هێرشەکانەوە، زیان بەر نزیکەی 40 باڵەخانەی نیشتەجێبوون، هێڵی شەمەندەفەری گشتی، پێنج قوتابخانە و باخچەی ساوایان و چەندین کافێ و ئۆتۆمبێل کەوتووە.