ترەمپ: ئەگەر هەیە لە چەند ڕۆژی داهاتوودا ڕێککەوتن لەبارەی غەززەوە بکرێت

ئاڤا نیوز

سەرۆکی ئەمریکا لەبارەی ئاگربەستی غەززە ئاشكرای دەکات، حەماس وەڵامی ئەرێنی بۆ پێشنیازی ئەمریکا هەبووە و ئاماژە بەوە دەکات ئەگەر هەیە لە چەند ڕۆژی داهاتوودا ڕێککەوتنێک بکرێت.

 

وێنە گەورەکە: دوای ئەوەی ئەمریکا وەک یەکێک لە نێوەندگیرانی ئاگربەستی غەززە پێشنیازی بۆ ئیسرائیل و حەماس خستەڕوو، هەر زوو ئیسرائیل ڕازیبوونی خۆی بە ئاگربەستەکە ڕاگەیاند و دواتر بزووتنه‌وه‌ی حه‌ماس وه‌ڵامی پێشنیازه‌ 60 ڕۆژییه‌كه‌ی دایه‌وه‌.

 

لێدوانی فەرمی: دۆناڵد ترەمپ، سەرۆکی ئەمریکا بە ڕۆژنامەنووسانی ڕایگەیاند، شتێکی باشە کە حەماس ڕایگەیاندووە کە بە ڕۆحێکی ئەرێنی وەڵامی پێشنیاری ئاگربەستی غەززەی داوەتەوە 
- ترەمپ لە درێژەی قسەکانیدا وتی، دەکرێت تا هەفتەی داهاتوو ڕێککەوتنێک لەبارەی غەززەوە بکرێت.

 

 ڕاگەیێنراوی فەرمی: دوێنی هەینی هه‌ینی، 4ـی ته‌ممووزی 2025، بزووتنه‌وه‌ی حه‌ماس به‌ فه‌رمی وه‌ڵامی پێشنیازه‌ 60 ڕۆژییه‌كه‌ی بۆ ئاگربه‌ستیی غه‌ززه‌ گه‌یانده‌ نێوه‌ندگیره‌كان و ڕایگه‌یاند، وه‌ڵامه‌كه‌یان ئه‌رێنی بووه‌.

 

زانیاریی زیاتر: هەموو ئەمانەش لە کاتێکدایە، بڕیارە بنیامین نەتانیاهۆ, سەرۆکوەزیرانی ئیسرائیل ڕۆژی دووشەممە بەرەو واشنتن بچێت و  لە کۆشكی سپی و لەگەڵ ترەمپ کۆببێتەوە