ترەمپ لە پووتین ناڕازییە: دەیەوێت بەردەوام بێت لە کوشتنی خەڵک

ئاڤا نیوز

 

سەرۆکی ئەمریکا ناڕازییە لە ناوەڕۆکی پەیوەندییە تەلەفۆنییەکەی لەگەڵ سەرۆکی ڕووسیا و دەڵێت: پووتین دەیەوێت بەردەوام بێت لە شەڕکردن.

 

وێنە  گەورەکە: دوای ئەوەی ڕۆژی هەینی هەر یەکە لە دۆناڵد ترەمپ، سەرۆکی ئەمریکا و ڤلادێمیر پووتین، سەرۆکی ڕووسیا پەیوەندییەکی تەلەفۆنیان ئەنجامدا و لەبارەی چەندین پرسی جیاواز گفتۆگۆیان کرد لەوانەش، ئێران و ڕۆژهەڵاتی ناوەڕاست هاوکات، لەگەڵ  پرسی ئۆکراینا، پووتین بە ترەمپی وتووە کە ڕووسیا پاشەکشە لە ئامانجەکانی ناکات، بەڵام ویستی خۆی بۆ چارەسەرێک لە ڕێگەی گفتوگۆ خستەوەتەڕوو.

 

لێدوانی فەرمی: دۆناڵد ترەمپ، سەرۆکی ئەمریکا ڕایگەیاند، "دۆخێکی زۆر سەختە، من زۆر ناڕازی بووم لە پەیوەندییەکەم لەگەڵ پووتین، ئەو دەیەوێت هەموو ڕێگاکە بڕوات، تەنیا بەردەوام بێت لە کوشتنی خەڵک، ئەوە هیچ سوودێکی نییە''.

 

لەبارەی تووندکردنی سزاکانی سەر ڕووسیا، ترەمپ ووتی، لەگەڵ پووتین پرسی سزاکانمان تاتوێی کرد و پووتین تێدەگات کە ئەگەر هەیە لە ماوەیەکی نزیکدا بسەپێندرێن بەسەر وڵاتەکەیدا.

 

لەلایەکی دیکەوە: ترەمپ ئاماژەی بەوەشکرد، لەگەڵ ڤۆلۆدیمیر زێلێنسکی، سەرۆکی ئۆکراینا قسەی کردووە، ئاشكرای کرد کە "پەیوەندییەکی زۆر ستراتیژییان هەبووە". ئەمەش لەکاتێکدایە کە ئەمریکا بڕیاری سنووردارکردنی ناردنی مووشەکی بەرگریی ئاسمانی بۆ ئۆکراینا ڕاگەیاندووە.