ئەنجامی خولی دووەمی تاقیکردنەوەی نیشتمانی ڕاگەیێنرا

ئاڤا نیوز

وەزارەتی پەروەردە قوتابینانی پۆلی 9ـی بنەڕەتی ئاگادار دەکاتەوە دەتوانن ئەنجامی تاقیکردنەوەکان لە ئەپلیکەیشنی 'ئی - هەڵسەنگاندن' وەربگرنەوە.

وێنە گەورەکە: لە چوارچێوەی بەئەلیکترۆنیکردنی خزمەتگوزارییە پەروەردەییەکان و بەدیجیتاڵکردنی خزمەتگوزارییەکانی حکومەت کە کابینەی نۆیەم کاری لەسەر دەکات، ئەمساڵ بۆ یەکەمجار قوتابیانی قوتابخانە و پەیمانگە حکومییەکان لە ڕێگەی ئەپڵیکەیشنی (ئی - هەڵسەنگاندن) ئەنجامی تاقیکردنەوەکانینان وەردەگرنەوە.

ڕاگەیێنراوی فەرمی: لیژنەی باڵای تاقیکردنەوەکان لە وەزارەتی پەروەردە، قوتابیانی پۆلی نۆی بنەرەتی ئاگادار دەکاتەوە، ئەنجامی تاقیکردنەوەی نیشتمانی خولی دووەم ساڵی خوێندنی 2024 - 2025 لە ئەپلیکەیشنی ئی - هەڵسەنگاندن (e-Halsangandn) وەربگرنەوە کە لەسەر هەردوو سیستەمی کارپێکردنی Android و IOS بەردەستە.

زانیاریی زیاتر: بۆ بینینی ئەنجامی تاقیکردنەوەکان دەبێت دوایین ڤێرژنی ئەپدەیتکراوی ئەپڵیکەیشنەکە بەکاربهێنرێت.

گۆشەیەکی دیکەی دیمەنەکە: ئەو قوتابیانەی پەڵپیان هەیە لە ڕێکەوتی 2025-07-06 تاکو 2025-07-09 دەتوانن فۆڕمی تایبەت بە پەڵپ لە قوتابخانەکانیان پڕبکەنەوە.