ئیلۆن مەسک پارتێکی سیاسیی نوێ لە ئەمریکا دادەمەزرێنێت

ئاڤا نیوز

لە ئەمریکا، دامەزراندنی پارتێکی سیاسیی نوێ بە ناوی "پارتی ئەمریکا" ڕاگەیەندرا، کە ئامانجی سەرەکیی "گێڕانەوەی ئازادییە بۆ هاووڵاتیان." و ئیلۆن مەسک سەرۆکایەتی دەکات.

ڕاگەیێنراوی فەرمی: لە ڕاگەیێنراوی دامەزراندنیدا، پارتە نوێیەکە بانگەشەی ئەوە دەکات کە زۆرینەی خەڵکی ئەمریکا خوازیاری جێگرەوەیەکی نوێن لە دەرەوەی دوو پارتە سەرەکییەکە.

بڵاوکراوەی فەرمی: ئیلۆن مەسک، ملیاردێری ئەمریکی کە دامەزرێنەری پارتەکەیە لە پۆستێکی لە تۆڕی ئێکس ڕایگەیاند: "بە ڕێژەی دوو بەرامبەر بە یەک، ئێوە خوازیاری پارتێکی سیاسیی نوێن و ئێمەش ئەو خواستەتان بۆ بەدی دەهێنین.

"کاتێک باس دێتە سەر مایەپووچکردنی وڵاتەکەمان بەهۆی گەندەڵی و بەهەدەردانەوە، ئێمە لە سیستەمێکی یەک حیزبیدا دەژین، نەک لە دیموکراسییەتدا."

"ئەمڕۆ پارتی ئەمریکا دادەمەزرێت بۆ ئەوەی ئازادییەکانتان بۆ بگەڕێنێتەوە".

زانیاریی زیاتر: پارتەکە بە تووندی ڕەخنە لە سیستەمی سیاسیی ئێستای ئەمریکا دەگرێت و هەردوو پارتی کۆماری و دیموکرات تۆمەتبار دەکات بە گەندەڵی و بەهەدەردانی سامانی وڵات.