وەزیری بەرگریی ئەمریکا بڕیارێکی تاکلایەنە لەبارەی ئۆکراینا دەدات

ئاڤا نیوز

ئەمریکا بارێکی چەک و کەرەستەی سەربازی بۆ ئۆکراینا ڕاگرت، هەندێک لە سەرچاوە هەواڵییەکان ئاشکرای دەکەن ئەم  بڕیارە لەلایەن وەزیری بەرگریی ئەمریکا دراوە.

 

وێنە گەورەکە: دوای ئەوەی کۆشکی سپی ناردنی ژمارەیەک کەرەستەی سەربازی و چەند جۆرە مووشەکێکی دیاریکراوی بۆ ئۆکراینا ڕاگرت، لەکاتێکدا وڵاتەکە داوای هاوکاری زیاتر لە واشنتن دەکرد، هۆکارەکەشی گەڕاندەوە بۆ نیگەرانیی واشنتن لە کەمبوونەوەی کۆگاکانی تەقەمەنی، سەرەڕای ئەوەی زۆرێک لایەنی سەربازیی دەڵێن، ئامادەکردنی ئەم هاوکارییانە بۆ ئەمریکا مەترسی نییە.

 

زانیاریی بەدەستهاتوو: ڕاپۆرتە ڕۆژنامەوانیەکان کەناڵی ئێن بی سی ئاشکرایان کردووە، '' پیت هێگسێت وەزیری بەرگری ئەمریکا بڕیاری ڕاگرتنی ناردنی هاوکارییە سەربازییەکانی بۆ ئۆکراینا داوە  بەهۆی نیگەرانی سەبارەت بە کەمبوونەوەی کۆگاکانی چەکی ئەمریکا، بڕیارەکە لەلایەن هێگسێتەوە بە تەنیا دراوە''.

 

زانیاریی زیاتر: بڕیاری ڕاگرتنی ئەم جۆرە هاوکارییە سەربازییانە نیگەرانی بۆ ئۆکراینا دروست کردووە، لە میانەی پەیوەندی تەلەفۆنی نێوان ترەمپ و زێلێنسکی ئەم بابەتە تاوتوێی کراوە.

 

هۆکارە زانراوەکان: شۆن پارنێل، وتەبێژی پنتاگۆن هەفتەی ڕابرردوو ئاشكرای کرد، بۆ ئەوەی بەرژەوەندییەکانی ئەمریکا بخرێتە پێشەوە، پێداچوونەوەی بەو پاڵپشتی و هاوکارییە سەربازییانەی کە پێشکەشی وڵاتانی دیکەی جیهان دەکرێت دەکەین.