لە ئیدلب تەقینەوەیەک ڕوویدا

ئاڤا نیوز

کەمێک لەمەوبەر لە پارێزگای ئیدلبی باکووری سووریا تەقینەوەیەک ڕوویدا، بەگوێرەی سەرچاوەکانی ناوخۆیی وڵاتەکەش کەوتنەوەی ئاگر لە کۆگایەکی چەک و تەقەمەنی، هۆکاری تەقینەوەکە بووە.

وێنە گەورەکە: هەرچەندە حکومەتی نوێی سووریا لەلایەن وڵاتانی جیهانەوە بە فەرمی مامەڵەی لەگەڵدا دەکرێت، بەڵام بەهۆی ناجێگری دۆخی ئەمنیی، مەترسییەکانی داعش و ناکۆکی گرووپە چەکدارییەکانەوە تائێستا وڵاتەکە ئارامی تەواوی بەخۆیەوە نەبینیووە.

زانیاریی بەدەستهاتوو: ئاژانسی (سپوتینگ)ی ڕووسی لە سەرچاوە ناخۆییەکانی سووریاوە بڵاویکردەوە، بەهۆی کەوتنەوەی ئاگر لە کۆگایەکی چەک و تەقەمەنی، تەقینەوەیەک لە شاری ئیدلبی باکووری سووریا ڕوویداوە، لەبارەی زیانە گیانیی و مادییەکانیش تائێستا بەفەرمی زانیاریی بڵاونەکراوەتەوە.

لەلایەکی دیکەوە: ئەمڕۆش لە دێرەزوور ژمارەیەک چەکداری داعش دەستڕێژی گوللەیان لە دوو فەرمانبەری ئیدارەی گومرگی ڕۆژئاوای کوردستان کرد، لە ئەنجامیشدا بە سەختی برینداربوون.