ئیسرائیل ئەندامێکی باڵای حەماس لە لوبنان دەکاتە ئامانج

ئاڤا نیوز

سوپای ئیسرائیل ڕایگەیاند، لە هێرشێکی ئاسمانیدا لە ناوچەی تەرابلوس لە باکووری لوبنان، ئەندامێکی باڵای بزووتنەوەی حەماسی کردووەتە ئامانج، لە هێرشەکەدا هاووڵاتییەکی مەدەنی کوژراوە و شەش کەسی دیکەش بریندار بوون.

ڕاگەیێنراوی فەرمی: بەگوێرەی ڕاگەیێنراوی سوپای ئیسرائیل، بە بەکارهێنانی فڕۆکەی سەر بە هێزی ئاسمانی، هێرشیان کردووەتە سەر ئەندامێکی دیاری حەماس لە ناوچەی تەرابلوس.

لە هەمان کاتدا: میدیاکان بڵاویان کردەوە کە هێرشەکە ئۆتۆمبێلێکی لە نزیک خاڵێکی پشکنینی سوپای لوبنان لە شارۆچکەی "عەیرونییە"ی سەر بە قەزای "زەغرتا" لە باکووری لوبنان کردووەتە ئامانج.

لەلایەکی دیکەوە: بە گوێرەی میدیاکانی لوبنان بەهۆی هێرشە ئاسمانییەکەی ئیسرائیلەوە، هاووڵاتییەکی مەدەنی کوژراوەو شەش کەسی دیکەش بریندار بوون.