ئەنجامی تاقیکردنەوەکانی پۆلی 12 ڕاگەیێنرا

ئاڤا نیوز

 

ئەمشەو وەزارەتی پەروەردەی حکومەتی هەرێمی کوردستان ئەنجامی تاقیکردنەوەکانی پۆلی 12ی ئامادەیی ڕادەگەیێنێت.

 

لێدوانی فەرمی: د.ئالان حەمەسەعید، وەزیری پەروەردەی حکومەتی هەرێمی کوردستان بە ئاڤا میدیای ڕاگەیاند: کاتژمێر 07:30ی ئەمشەو ئەنجامی تاقیکردنەوەکانی پۆلی 12ی ئامادەیی بە هەموو بەشەکانی زانستی، وێژەیی و پیشەیی ڕادەگەیەنین".

 

بەگوتەی وەزیری پەروەردە لە ئەپڵیکەیشنی هەڵسەنگاندن قوتابیان دەتوانن نمرەکانیان وەربگرنەوە، هەر قوتابییەک دەتوانێت لە لینکی ئەپڵیکەیشنی هەڵسەنگاندنەوە، بە شێوەیەکی دیجیتاڵی پەڕەی سۆمای خۆی کە پەنجەمۆر و واژۆی خۆی پێوەیە، بیدۆزێتەوە، لە هەر شوێنێک  هەڵەی وەڵامدانەوەی هەبێت، ئێمە هەڵەکەمان بۆ سوور کردووە و وەڵامە ڕاستەکەمان بۆ داناوە.

 

ئەوەی پێویستە بیزانیت: 117 هەزار قوتابی پۆلی 12ی ئامادەیی بەشداریان لە تاقیکردنەوەکانی کۆتایی کردووە.

 

بەگوتەی وەزیری پەروەردە، قوتابی دەتوانێت لە قوتابخانەکەی فۆرمی پەڵپ 'ئیعتراز' پڕ بکاتەوە و لە ڕۆژی 9-7-2025، تا کۆتایی دەوامی فەرمی فەرمانگەکان لە ڕۆژی 17-7-2025، بە وردی لە ئەنجامەکان دەکۆڵینەوە. 

 

زانیاریی زیاتر: لەڕێگەی لینکی ئەپڵیکەیشنی هەڵسەنگاندن (e-halsangandn) و لەسەر هەردوو سیستمی Android و IOS  قوتابی دەتوانێت ئەنجامەکانی وەربگرێتەوە.