عەممار حەکیم: نەرمی و خواستێکی زۆر بۆ چارەسەرکردنی کێشەکانی نێوان هەولێر و بەغدا هەیە

ئاڤا نیوز

 

سەرۆکی ڕەوتی حیکمە دەڵێت، خواستێکی زۆر بۆ چارەسەکردنی کێشەکانی نێوان هەولێر و بەغدا هەیە، جەختیشی کردووەتەوە کە هیچ هەوڵێک لەلایەن بەغداوە بۆ سەرخستنی لایەنێکی کوردی بەسەر ئەوەی دیکەیان نییە.

 

لێدوانی فەرمی: عەممار حەکیم، سەرۆکی ڕەوتی حیکمە لە چاوپێکەوتنێکی تەلەڤزیۆنیدا ڕایگەیاند: چوارچێوەی هەماهەنگیی، جەخت لە هێورکردنەوەی دۆخەکە دەکات و هاوکاریی هاوبەشەکانن بۆ چارەسەرکردنی کێشەکانیان، هەروەها نەرمی و خواستێکی گەورە هەیە بۆ چارەسەرکردنی کێشە سیاسییەکانی نێوان هەولێر و بەغدا. هاوکات جەختی کردەوە کە "هیچ هەوڵێک لەلایەن بەغداوە بۆ سەرخستنی لایەنێکی کوردی بەسەر ئەوەی دیکەیان نییە."

 

لەلایەکی دیکەوە: سەرۆکی ڕەوتی حیکمە هۆشداری دا لەوەی هەر هەموارکردنێک لە پەیڕەوی نێوخۆی ئەنجوومەنی نوێنەران بەبێ ڕێککەوتنی سوننە، ئەوا جارێکی دیکە هەڵبژاردن بۆ سەرۆکایەتیی ئەنجوومەنی نوێنەران دەکرێتەوە.

 

گۆشەیەکی دیکە: سەبارەت بە هەڵبژاردنەکانی عێراقیش عەممار حەکیم پێی وایە ئاماژەیەک نییە کە پێویستی بە هەڵبژاردنی پێشوەختە هەبێت یان داوای هەڵبژاردنی پێشوەختە بکات، جگە لەوەش هیچ هەوڵێک بۆ شکاندنی پارتێکی دیاریکراوی عێراق  لە ئارادا نییە.