كونسوڵی فەرەنسا: بۆ سەقامگیریی هەرێمی كوردستان بە پەرۆشین

ئاڤا نیوز

کونسوڵی گشتیی فەرەنسا لە شاری هەولێر پەرۆشی خۆی بۆ سەقامگیریی هەرێمی کوردستان ڕادەگەیێنێت و دەڵێت، پێشمەرگە و سەربازانی فەرەنسا هاوشانی یەکتر شەڕی داعشیان کرد و پەیوەندی هەرێمی کوردستان و فەرەنسایان پتەوتر کرد.

وێنە گەورەكە: ئەمڕۆ پێنجشەممە 10-7-2025، بە ئامادەبوونی شۆڕش ئیسماعیل، وەزیری پێشمەرگە و كونسوڵی گشتیی فەرەنسا لە هەولێر كۆتایی هێنرا بە خولێكی فێربوونی زمانی ئینگلیزی كە بۆ ژمارەیەك لە ئەفسەرانی سەر بە وەزارەتی پێشمەرگە كرابووەوە.

لێدوانی فەرمی: لەمیانەی مەراسیمەكەدا، یان برێم، كونسوڵی گشتیی فەرەنسا لە هەولێر گوتارێكی پێشكەش كرد، وێڕای باسكردن لە گرنگیی خولەكە و فێربوونی زمانی فەرەنسی ڕایگەیاند: فەرەنسا بە پەرۆشە بۆ سەقامگیریی عێراق بەشێوەیەكی گشتی و هەرێمی كوردستان بەتایبەتی، سەربازانی فەرەنسا و هێزەكانی پێشمەرگە، پێكەوە هاوشانی یەكتر لە شەڕی دژی داعشدا ڕووبەڕووی تیرۆریستان بوونەوە، ئەمە بووە هۆی زیاتر پتەوتركردنی پەیوەندییەكانی نێوان هەرێمی كوردستان و فەرەنسا.