ڕێباز حەملان بۆ مەسرور بارزانی: سەریان سپی كردیت، بەڵام سەرت بە بەرزی مایەوە

ئاڤا نیوز

یاریدەدەری سەرۆكی حكومەتی هەرێمی كوردستان لە شەشەمین ساڵیادی تەمەنی كابینەی نۆیەمی حكومەتی هەرێمی كوردستان كە مەسرور بارزانی سەرۆكایەتی دەكات، وێنەیەكی بەراوردكاری مەسرور بارزانی لە كاتی دەستبەكاربوون و سوێندخواردنی وەك سەرۆكی حكومەت و كاتی ئێستای داناوە و، ئاماژەی بەوە كردووە لە ماوەی شەش ساڵدا سەریان سپی كردووە، بەڵام بە سەربەرزی ماوەتەوە.

چیرۆکی سەرەکی: ڕێباز حاملان، تیشكی خستووەتە سەر سەرەكیترین ئەو بەربەستانەی كە بە ئەنقەست لە بەردەم كابینەی نۆیەمی حكومەتی هەرێمی كوردستان دانراون، بە ئامانجی لاوازكردنی قەواری هەرێمی كوردستان و شكستپێهێنانی كابینەكەی، بەڵام بە ئیرادەی بەرز و پشت ئەستووری بە میللەتێكی خۆڕاگر و پشوودرێژ، بە پرۆژەی گەورە و ستراتیژیی بۆ هەرێمی كوردستان، وەڵامی نەیارانی داوەتەوە.

پەیامی فەرمی: ڕێباز حەملان، یاریدەدەری سەرۆكی حكومەتی هەرێمی كوردستان لە پەیامێکیدا دەڵێت، لە ڕاگرتنی هەناردەكردنی نەوتی هەرێم بۆ ماوەی 700 ڕۆژ كە بیرمەندانە نەتهێشت كۆمپانیا بیانییەكانی نەوت هەرێمی كوردستان جێبهێڵن و كێڵگەكانی نەوت وشك بن.

- بەكارهێنانی دادگای فیدراڵی بۆ ناكۆكییە سیاسییەكان لەپێناو نەهێشتن و بچووككردنەوەی قەوارەی هەرێمی كوردستان و ئاراستەكردنی مووشەك و درۆن كە بە ئاوەدانكردنەوەی زیاتر و جێبەجێكردنی پرۆژەی خزمەتگوزاری وەڵامیانت دەدایەوە، بەكارهێنانی نەیارانی ناوخۆ و كۆمیسیۆن كە بە سندووقی دەنگدان بۆی سەلماندنەوە كێ متمانەی گەلی هەیە.

- یاریدەدەری سەرۆكی حكومەتی هەرێمی كوردستان ئاماژە بەوەشدەكات، لە سەردەمی كابینەی نۆیەمدا، سێکتەرەکانی کشتوکاڵ و وەبەرهێنان و پیشەسازی گەشەی كردووە و بوونەتە هۆی بووژاندنەوەی وڵات. مەسرور بارزانی دەستی جووتیارانی گرت تا زەوی و ئاو و خاکەکەیان بکەنە بەرهەمی کشتوکاڵی و دەرگای هەناردەی دەرەوەی بۆ کردنەوە.

- پرسی غازی بەنێودەوڵەتی کرد، بناغەی ژێرخانێکی سروشتی و ئابووری داڕشت بۆ داهاتوویەکی گەشتر، کوردستانی خستە سەر نەخشەی جیهانی وزە.

- ڕێباز حەملان بە مەسرور بارزانی دەڵێت، گفتۆگۆی چارەسەری پرسی موچە و نەوتت لەگەڵ سێ حکومەتی یەک لە دوای یەکی بەغدا کرد، بۆ چارەسەرکردنی چەندین ڕێکكەوتنت لەگەڵ واژۆکردن هەرجارە و بە بیانوویەک ئیلتیزامیان نەکرد و ڕێزی ئیمزای خۆیان نەگرت. 

- مووچە و قوتی خەڵک تەنها چەکە لەدەستیان بۆ لێدان لە هەرێم و گەلەکەت، سیاسەتێکی سەپێنراوی زاڵمانە بەڕێوە دەبەن، ئەم بەربەستەشیان تێکدەشکێنیت، چونكە میللەتێکی خۆڕاگر و پشوودرێژت لەگەڵدایە.