وەزیرانی دەرەوەی ئەمریکا و چین کۆدەبنەوە

ئاڤا نیوز

مارکۆ ڕووبیۆ، وەزیری دەرەوەی ئەمریکا، لەگەڵ وانگ یی، وەزیری دەرەوەی چین کۆبوونەوە.

چیرۆکی سەرەکی: ئەم کۆبوونەوەیە لە کاتێکدایە کە واشنتن و پەکین پرسی جێناکۆکی زۆریان لە نێواندا هەیە، بە تایبەتیش شەڕی بازرگانی و پرسی تایوان. چاوەڕێ دەکرێت لە کۆبوونەوەی نێوانیاندا ئەم پرسانە و چەند پرسێکی دیکە، وەک ئامادەیی ئەمریکا لە ناوچەی ئاسیا-پاسیفیک، باس بکرێت. 

زانیاریی زیاتر: کۆبوونەوەکە لە کوالالامپوری پایتەختی مالیزیا و لە پەراوێزی کۆبوونەوەی کۆمەڵەی وڵاتانی باشووری ڕۆژهەڵاتی ئاسیا، ئاسێئان، دەکرێت.

ئەمەش بزانە: ئەمە یەکەمین کۆبوونەوەی ڕووبەڕووی ڕووبیۆ و وانگە لەو کاتەوەی کە دۆناڵد ترەمپ گەڕاوەتەوە کۆشکی سپی.