ترەمپ: فڕۆکەوانەکان وتیان هیچ سەرۆکێک جورئەتی هێرش کردنە سەر دامەزراوە ئەتۆمییەکانی ئێران نەبووە

ئاڤا نیوز

سەرۆکی ئەمریکا جارێکی دیکە سەرکەوتنی هێرشەکەی ئەمریکا بۆ سەر دامەزراوە ئەتۆمییەکانی ئێران دووپاتکردەوە و ڕایگەیاند 15 لە 10 دەدەم بە خۆم.

چیرۆکی سەرەکی: دۆناڵد ترەمپ، سەرۆکی ئەمریکا لە کۆنگرەیەکی رۆژنامەوانیدا باسی سەرکەوتنی هێرشەکانی بۆسەر بنکە ئەتۆمییەکان کرد و ڕایگەیاند کەسی جورئەتی هێرشی بۆسەر ئێران نەبوو تا من ئەم کارەم کرد.

لێدوانی فەرمی: دۆناڵد ترەمپ، سەرۆکی ئەمریکا لە بنکەی هێزی ئاسمانی ئاندروز بۆ ڕۆژنامەنووسان وتی: فڕۆکەوانە بۆمب هاوێژەکانی B2 و چەند کەسێکی دیکە کە لەو هێرشەدا بەشداربوون هاتن بۆ ئۆفیسەکەم و وتیان ئێمە 22 ساڵە ڕاهێنان دەکەین بۆ هێرشکردنە سەر ئێران، بەڵام هیچ سەرۆکێک نەیدەوێرا داوامان لێبکات ئەو کارە ئەنجام بدەین.

ئەگەر ژمارە لە سفرەوە بۆ 10 بێت بۆ ئەو هێرشانە و هەڵیبژێرم، ئەوا من لە سفر تا 10 ژمارە 15 دەدەم.

زانیاریی زیاتر: ئەم لێدوانەی ترەمپ لە کاتێکدایە کە هەندێک لە دەزگاکانی ڕاگەیاندنی ئەمەریکا گومانیان لە سەرکەوتنی هێرشەکەی سەر دامەزراوە ئەتۆمییەکانی ئێران هەیە.