ئیسرائیل ڕاستەوخۆ هەڕەشە لە عێراق دەکات

ئاڤا نیوز

ڕۆژنامەیەکی ئیسرائیلی ئاشکرای دەکات، وڵاتەکەی لەڕێگەی ئەمریکاوە پەیامێکیان بۆ بەرپرسانی عێراق ناردووە هەڕەشەی ڕاستەوخۆی کردووە ئەگەر گرووپە چەکدارەکان هێرشە بکەنە سەر ئیسرائیل ئەوا عێراق دەکرێتە ئامانج.

وێنە گەورەکە: لەکاتێکدا باس لە پلانی ئیسرائیل - ئەمریکی دەکرێت بۆ دەستپێکردنی ئۆپەراسیۆنی سەربازیی نوێ دژی ئێران ئەگەر واشنتۆن نەتوانێت لە چەند ڕۆژی داهاتوودا لەگەڵ تاران بگاتە ڕێککەوتنی ئەتۆمی، ئیسرائیل هەڕەشەی هێرشی سەربازیی ڕاستەوخۆ لە حکومەتی عێراق دەکات و هۆشداریی دەدات کە دەبێت گرووپە چەکدارەکان کۆنترۆڵ بکات.

ڕاگەیێنراوی فەرمی: ڕۆژنامەی "جی فیید"ـی ئیسرائیلی ڕایگەیاندووە، ئیسرائیل هەڕەشەی کردووە کە هەر هێرشێک لە خاکی عێراقەوە بکرێتە سەری وەک هێرشێک لەلایەن دەوڵەتی عێراقەوە مامەڵەی لەگەڵ دەکرێت، ڕۆژنامەکە دەڵێت، ئیسرائیل هەڕەشەی لێدانی ڕاستەوخۆی لە حکومەتی عێراق کردووە ئەگەر سیناریۆیەکی لەو شێوەیە ڕووبدات.

لەلایەکی دیکەوە: پێشتر حکومەتی عێراق هۆشداریی بە گرووپە چەکدارەکان دابوو کە هیچ هێرشێک لە دەرەوەی چوارچێوەی دەوڵەت نابێت ئەنجام بدرێت.