ڕاگەیێنراوی کۆبوونەوەی یەکێتی و پارتی: هەوڵەکان چڕبکرێنەوە بۆ چارەسەری کێشەکان

ئاڤا نیوز

پارتی دیموكراتی كوردستان و یه‌كێتیی نیشتمانیی كوردستان ڕاگه‌یێنراوێكیان سه‌باره‌ت به‌ كۆبوونه‌وه‌ی ئه‌مڕۆی نێوانیان بڵاوكرده‌وه‌ و تیایدا هاتووە: گفتوگۆ سه‌باره‌ت به‌ ڕووداو و پێشهاتەکان و کێشە و گرفتەکانی هەرێمی کوردستان و حکومەتی فیدراڵ کراوە. 

چیرۆكی سه‌ره‌كی: ئەمڕۆ دووشه‌ممه‌ 14-7-2025 له‌ پیرمام سەرۆک بارزانی پێشوازی لە بافڵ تاڵەبانی، سەرۆکی یەکێتیی نیشتمانیی کوردستان و شاندی یاوەری  کرد و کۆبوونەوەی هەردوو مەکتەبی سیاسی یەکێتیی نیشتمانیی کوردستان و پارتی دیموکراتی کوردستان ئەنجام درا.

ڕاگه‌یێنراوی فه‌رمی: له‌ ڕاگه‌یێنراوه‌كه‌دا هاتووه‌: له‌ كۆبوونه‌وه‌كه‌دا گفتوگۆ سه‌باره‌ت به‌ ڕووداو و پێشهاتەکان و کێشە و گرفتەکانی هەرێمی کوردستان و حکومەتی فیدراڵ، بە تایبەتی شایستە داراییەکان و مووچەی فەرمانبەرانی هەرێمی کوردستان كرا.

- دوای گفتوگۆ و بیروڕاگۆڕینەوە و لێکدانەوەی هەموو ڕەهەندەکان لەڕووی سیاسی و ئابووری و کۆمەڵایەتی، هەردوولا هاوڕابوون هەموو هەوڵەکان چڕبکرێنەوە بۆ چارەسەری کێشە و دابینکردنی مووچە و شایستە داراییەکانی هەرێمی کوردستان و تەواوی ئەو هەنگاوانەی پێویستن لە چوارچێوەی دەستووردا بە ئاراستەی چارەسەرکردن بە هاوئاهەنگی هەردوولا بهاوێژرێن.

- بەشێكی دیکەی کۆبوونەوە تەرخانبوو بۆ زیاتر پتەوکردنەوەی پەیوەندی پارتی و یەکێتی بۆ ئەوەی ئاستەنگ و ئاڵنگارییەکان تێپەڕێنن و پارێزگاری لە قەوارەی هەرێمی کوردستان و دەستکەوتەکانی بکەین.

- لێرەدا کۆبوونەوە جەختی لەسەر یەکخستنی هەڵوێستی هەموو لایەنە سیاسییەکانی کوردستان و عێراق کردەوە کە هاوکار و پشتیوان بن لە چارەسەری ئەم کێشەیە.