ئاگادارییەك ئاراستەی خاوەن ئۆتۆمبێلە بێ سەرەتاكانی هەڵەبجە دەكرێت

ئاڤا نیوز

لیژنەی ئەمنیی پارێزگای هەڵەبجە ماوەی ناساندنی ئۆتۆمبێلە بێ سەرەتاكانی سنووری پارێزگاكە درێژ دەكاتەوە.

چیرۆكی سەرەكی: ڕۆژی 3-7-2025، لیژنەی ئەمنیی پارێزگای هەڵەبجە چەند بڕیارێكی سەبارەت بە ئۆتۆمبێلە بێ سەرەتاكانی سنووری پارێزگاكە دەركرد و ماوەی هەفتەیەكی دیار كرد بۆ ئەوەی سەرجەم ئۆتۆمبێلەكان لە بەڕێوەبەرایەتیی ئاسایشی شارەزوور ناساندنیان بۆ بكرێت.

بڵاوكراوەی فەرمی: لیژنەی ئەمنیی پارێزگای هەڵەبجە ڕایگەیاند: سەبارەت بە خۆناساندنی ئۆتۆمبێلی بێ سەرەتا، لە بەڕێوەبەرایەتیی ئاسایشی شارەزوور، بەشی جموجوڵ، لەبەر بەرژەوەندی شۆفێرانی خاوەن ئۆتۆمبێلە بێ سەرەتاكان و پێڕاگەیشتنی بەرێوەبەرایەتیی ئاسایشی شارەزوور بۆ خۆناساندنیان، بڕیارمان دا بە درێژكردنەوەی ماوەی خۆناساندن تاوەكو 15-8-2025.

زانیاریی زیاتر: هەفتەی ڕابردوو لیژنەی ئەمنیی پارێزگای هەڵەبجە بڕیاری دا كە بە هیچ شێوەیەك ڕێگا بە ئۆتۆمبێلی بێ سەرەتا و ماتۆڕسیكل نەدرێت بچنە نێو سەنتەری شار و شوێنە گشتییەكان و ناوچە گەشتیارییەكانی سنووری پارێزگاكە.