لە عەلوەکەی سلێمانی دەست بەسەر بڕێکی زۆر سەوزە و میوەی خراپبوو گیرا

ئاڤا نیوز

لیژنەکانی قایمقامیەت لە عەلوەی سلێمانی دەستیانگرت بەسەر بڕێکی زۆر سەوزە و میوەی خراپبوو، لەناویاندا تونێک و 400 کیلۆ خورما کە خاوەنەکەی دەیویست لە بازاڕ ساغی بکاتەوە.

ڕاگەیێنراوی فەرمی: هیوا ساڵح، سەرۆکی لیژنەکانی قایمقامیەتی سلێمانی بڵاوی کردەوە، هۆکاری سەرەکی خراپبوونی ئەو سەوزە و میوانە بۆ خراپ عەمبارکردنیان دەگەڕێتەوە، بۆیە بەشێکی زۆری سەوزە و میوەکان کەڕو هەڵدەهێنن و خراپ دەبن و شیاوی خواردن نامێنن و پێویستە لەناوببرێن.

- سەرۆکی لیژنەکانی قایمقامیەت دەشڵێت: بە فەرمانی قایمقامی سلێمانی تەواوی سەوزە و میوە دەستبەسەردا گیراوەکان لە ناوچەیەکی دەرەوەی نیشتەجێبوون و لەلایەن لیژنەی تایبەتمەندەوە لەناودەبرێن و خاوەنەکانیشیان ڕووبەڕووی ڕێکاری یاسایی دەکرێنەوە.

ئەوەی پێوستە بیزانیت: بەپێی ڕاپۆرتی لیژنەی عەلوەی سلێمانی لە ئەنجامی سەردانە بەردەوامەکانیان بۆ عەلوە و پشکنینی ئەو سەوزە و میوانەی دەخرێنە بازاڕ، دەستیانگرتووە بەسەر بڕێکی زۆر (خورما، لالەنگی، کاڵەک، شاتوو، کەلەرم و قەڕنابیت) کە خاوەنەکانیان بەنیاز بوون ساغیان بکەنەوە.

ئەو بڕە سەوزە و میوەیەی دەستی بەسەر داگیراوە بەمجۆرەیە: 

-    یەک تۆن و 400 کیلۆگرام خورما
-    500 کیلۆگرام لالەنگی 
-    700 کیلۆگرام کاڵەک 
-    300 کیلۆگرام شاتوو 
-    یەک تۆن و 200 کیلۆگرام کەلەرم و قەرنابیت