کۆمیسیۆن وادەی ئەنجامدانی تیروپشک بۆ لیستەکان ڕادەگەیێنێت

ئاڤا نیوز

کۆمیسیۆنی باڵای هەڵبژاردنەکانی عێراق ڕایدەگەیێنێت، "ئێستا سەرقاڵی ئامادەکارین بۆ ئەنجامدانی تیروپشک بۆ لیستەکان".

وێنە گەورەکە: بڕیارە ڕۆژی 11-11-2025، هەڵبژاردنی خولی شەشەمی ئەنجوومەنی نوێنەرانی عێراق بەڕێوەبچێت، کۆمیسیۆنیش بەردەوامە لە ئامادەکارییەکان.

لێدوانی فەرمی: عیماد جەمیل، سەرۆکی تیمی ڕاگەیاندنی کۆمسیۆن بە ئاڤای ڕاگەیاند: ئێستا کۆمسیۆن سەرقاڵی ئامادەکارییە بۆ ئەنجامدانی تیروپشک بۆ لیستەکان کە بڕیارە لە ڕۆژی 05-08-2025 بەڕێوەدەچێت."

لەلایەکی دیکەوە: تاوەکو ئێستا کۆمیسیۆن هیچ وادە و ماوەیەکی بۆ بانگەشەی هەڵبژاردن دیاری نەکردووە، جومانە غەلای، وتەبێژی کۆمیسیۆنی باڵای سەربەخۆی هەڵبژاردنەکانی عێراق پێشتر بە ئاڤا میدیای ڕاگەیاندبوو، وادە و ماوەی بانگەشەی هەڵبژاردنی پەرلەمان لەلایەن ئەنجوومەنی کۆمیسیارانی کۆمیسیۆنەوە دیاری دەکرێت و تاوەکو ئێستا هیچ وادەیەک دیاری نەکراوە.