ئەندامانی دەستەی کارگێڕیی یانەی هەولێر دیاری دەکرێن

ئاڤا نیوز

 

هەڵبژاردن بۆ دەستەی کارگێڕیی یانەی هەولێر کرا و شەش کەس وەک ئەندامی یانەکە هەڵبژێردران.

 

زانیاریی تایبەت: شەوی سێشەممە ڕێککەوتی 15-7-2025، لە ڕێگەی هەڵبژاردنەوە شەش کەس وەک ئەندامانی دەستەی کارگێڕیی یانەی هەولێر هەڵبژێردران.

 

زانیاریی زیاتر: 206 ئەندام لە ڕێوڕەسمی دەنگدانەکەدا ئامادەبوون، بەڵام تەنیا 203 کەسیان دەنگیان دا.

 

ئەوەی پێویستە بیزانیت: هەریەک لە زوبێر جەبار، جێماو سەدرەدین، ئاسۆ ئەمیر، ڕەوەز سەلام، سەفین کانەبی، ئالا دیدەوان وەک ئەندامی دەستەی کارگێڕیی یانەی هەولێر دیاری کران.

 

لەلایەکی دیکەوە: بە گوێرەی یاسا دەبێت ئەندامانی دەستەی کارگێڕی لە پێنج کەس کەمتر نەبێت و لە 10 کەس زیاتر نەبێت، هاوکات بە گوێرەی یاسای 50+1، ئەندامانی ئێستای دەستەی کارگێڕی دەنگیان بەدەستهێناوە.

 

ئەمەش بزانە: بڕیارە لە داهاتوودا ئەندامانی دەستەی کارگێڕی کۆببنەوە و سێ ئەندامی دیکە دیاری دەکەن، یان بە هەڵبژاردن زیادی دەکەن، دواتر ئەو نۆ کەسە خۆیان دەتوانن کەسێک وەکو سەرۆکی یانەی هەولێر لەنێو خۆیان هەڵبژێرن.