گرژیی لەنێوان هەسەدە و هێزەکانی حکومەتی سووریا لە حەلەب دروست دەبێت

ئاڤا نیوز

 

لە ڕۆژهەڵاتی حەلەب گرژیی لەنێوان هەسەدە و هێزەکانی سەر بە حکومەتی سووریا دروستبوو، هۆکارەکەشی ئەوەبوو هێزەکانی حکومەتی سووریا ویستوویانە بەبێ هەماهەنگی لە ناوچەیەکی ژێردەسەڵاتی هەسەدە بڵاوببنەوە.

 

وێنە گەورەکە: دوای چەند ڕۆژێک لە شەڕ و پێکدادان و کوژرانی لانیکەم 100 کەس، ئەمڕۆ سوپای سووریا ناوەندی پارێزگای سویدای زۆرینە دروزی لە باشووری وڵاتەکەی کۆنتڕۆڵ کرد، هەرچەندە بە فەرمی دیمەشق هیچ ناڵێت بەڵام بەشێک لە ئەندامانی سەر بە وەزارەتی بەرگریی سووریا دەڵێن: دوای سویدا "ڕۆژهەڵاتی فوڕات"یش کۆنتڕۆڵ دەکەن، ئەوەش مەترسی زیادبوونی گرژییەکانی دروستکردووە.

 

چیرۆکی سەرەکی: لە دوروبەری شارۆچکەی دیر حاف لە ڕۆژهەڵاتی حەلەب گرژیی لەنێوان هێزەکانی سووریای دیموکرات (هەسەدە) و ژمارەیەک ئەندامی سەر بە هێزەکانی حکومەتی سووریا ڕووی دا، هۆکاری ڕووداوەکەش ئەوەبووە هێزەکانی سەر بە حکومەتی سووریا ویستوویانە بەبێ هەماهەنگی و مۆڵەت وەرگرتن، بێن و لەو ناوچەیەدا بڵاوببنەوە.

 

لەلایەکی دیکە: 10ـی ئەم مانگەش لە هەمان ناوچە شەڕ و پێکدادان لەنێوان هەسەدە و هێزەکانی گرووپی "سوپای نیشتمانی" دروستبوو، بەبێ ئەوەی زانیاریی لەبارەی بوونی ژمارەی کوژراو  یاخود بریندار بڵاوبکرێتەوە.