ئەنجوومەنی وەزیرانی کوردستان لەبارەی مووچە کۆ دەبێتەوە

ئاڤا نیوز

 

بڕیارە ئەمڕۆ ئەنجوومەنی وەزیرانی هەرێمی کوردستان کۆببێتەوە و گفتوگۆی چەند پرسێکی تایبەت بە مووچە و هەناردە کردنەوەی نەوتی هەرێمی کورستان دەکات.

 

چیرۆکی سەرەکی: ڕۆژانی چوارشەممەی هەموو هەفتەیەك كۆبوونەوەی ئەنجوومەنی وەزیرانی هەرێمی كوردستان دەکرێت، کۆبوونەوەی ئەمڕۆ تایبەت دەبێت بە بارودۆخی دارایی هەرێمی کوردستان و کێشەکانی نێوان هەولێر و بەغدا.

 

ڕاگیێنراوی فەرمی: فەرمانگەی میدیا و زانیاری بڵاوی کردووەتەوە، ئەمڕۆ چوارشەممە، 16ی تەمووزی 2025، ئەنجوومەنی وەزیران، بە سەرپەرشتیی سەرۆکوەزیران مەسرور بارزانی و ئامادەبوونی قوباد تاڵەبانی، جێگری سەرۆکوەزیران كۆ دەبێتەوە.

 

- لە كۆبوونەوەكەدا بارودۆخی داراییی هەرێم، ڕێڕەوی دانوستاندن، گفتوگۆكان لەگەڵ حكومەتی فیدراڵی و پێشهاتەكانی تایبەت بە مووچە و هەناردەكردنەوەی نەوتی هەرێم تاوتوێ دەكرێت.

 

زانیاری بەدەستهاتوو: لەلایەن هەر یەک لە ئاوات شێخ جەناب، وەزیری دارایی و ئابووری، کەمال محەممەد، وەزیری سامانە سرووشتییەکان بە وەکالەت، ئەندامانی شاندی دانوستاندنکاری هەرێم بابەتەکان بۆ ئەنجوومەنی وەزیران دەخرێنە ڕوو.