ژمارەی کوژراوانی شەڕەکەی سوەیدای سووریا گەیشتە 200 کەس؛ نیوەیان سەر بە هێزەکانی حکومەتن

ئاڤا نیوز

ڕوانگەی سووری بۆ مافەکانی مرۆڤ ئاشکرای کرد، ژمارەی کوژراوانی شەڕ و گرژییەکانی شاری سوەیدا گەیشتە زیاتر لە 200 کەس کە 93یان ئەندامانی هێزەکانی سەر بە سوپای سووریان.

 

وێنە گەورەکە: شەڕ لە شاری سوەیدا پێی نایە ڕۆژی چوارەم، ڕۆژی سێشەممە هێزەکانی سەر بە وەزارەتی بەرگریی حکومەتی سووریا چوونە نێو شارەکە و تاوەکو ئێستا شەڕ لەنێوان سوپا و چەکدارانی خێلە بەدەوییەکان لەلایەک و سوپا و گرووپە چەکدارەکانی درووزەکان لەلایەکی دیکەوە بەردەوامە.

 

ڕاگەیێنراوی فەرمی: ڕوانگەی سووری بۆ مافەکانی مرۆڤ ڕایگەیاند: چەندین هێڵی کارەبای گەورە لەکارخراون و بەهۆیەوە کارەبا لە گەڕەکەکانی شاری سویدا و ڕیفی ڕۆژئاوای ئەو شارە پچڕاوە، هاوکات وێستگەکانی دابەشکردنی ئاویش لە کارکردن وەستاون و لە بەیانیی دوێنێوە دانیشتووانی ئەو ناوچانە بێ ئاو ماونەتەوە.

 

ڕوانگەی سووری هۆشداری دەدات، بەوەی "نیگەرانی هەیە سەبارەت بە کەمبوونەوەی خۆراک و دەرمانی پێویست، بەو پێیەی بەهۆی گرژییە ئەمنییەکان و داخستنی ڕێگا سەرەکییەکانەوە ناتوانرێت پێداویستی لە دەرەوەی شارەکە بگەیێنرێت.