دەزگای خێرخوازی بارزانی: نزیکەی 16 هەزار منداڵ لە پرۆژەی ئازیزان سوومەند دەبن

ئاڤا نیوز

لە قۆناغی دووەمی پرۆژەی ئازیزانی دەزگای خێرخوازیی بارزانی نزیکەی 16 هەزار منداڵی بێسەرپەرشت سودمەند دەبن و نزیکەی پێنج ملیۆن دۆلاریان بەسەردا دابەش دەکرێت.

وێنە گەورەکە: پڕۆژەی "ئازیزان" لەلایەن دەزگای خێرخوازی بارزانی ڕاگەیێنراوە و بەو هۆیە منداڵانی بێ باوک سوودمەند دەبن، لەم قۆناغەدا بە هاوکاری و پاڵپشتیی خاوه‌ن كۆمپانیا، كه‌سایه‌تی و ڕێکخراوە مرۆییەکان هاوکاری بەسەر ژمارەیەکی زۆر منداڵی بێ باوک دابەشکراوە.

لێدوانی فەرمی: موسا ئەحمەد، سەرۆکی دەزگای خێررخوازی بارزانی، بە ئاڤا میدیای ڕاگەیاند، ئەم پرۆژەیە بە ئامادەبوون و سەرپەرشتی مەسرور بارزانی، سەرۆکی بۆردی دەزگای خێرخوازی بارزانی ڕاگەیێنراوە، لە هەموو پارێزگاکانی کوردستان ژمارەیەکی زۆر منداڵی ئازیز تێیدا سوومەند بوونە، لە پارچەکانی دیکەی کوردستان و لە هەندێک ناوچەی دیکەی عێراقیش لەم پرۆژەیە سوومەند بوونە.

- لە قۆناغی ئێستا نزیکەی 16 هەزار منداڵی بێسەرپەرشت سودمەند بوونە و نزیکەی پێنج ملیۆن دۆلاریان بەسەردا دابەشکراوە.

- "بەمەبەستمانە ئاستی ڕۆشنبیری و پەروەردەیی سەرپەرشتیاری ئازیزان بەرەو پێش ببەین، لەڕێگەی سیمینار و خول و وۆرکشپ و مۆبایل ئەپڵیکەیشنی Azizan خزمەتگوزارییە پەروەردەییەکان بخەینە خزمەت ئازیزان".

- "داوا لە وەزارەتی پەروەرە دەکەین هەماهەنگی بکەن لەگەڵ دەزگای خێرخوازی بارزانی بۆ ئەوەی بگاتە هەموو ماڵێک و هەموو کەسێک لێی سوومەند بن".

- لە پرۆژەی ئازیزان منداڵانی بێ باوک تاوەکو قۆناغی زانکۆ و پەیمانگە تەواو دەکەن، خزمەت دەکرێن و هاوکاری دەکرێن، لەڕووی تەندروستی و گەشت و هاوکاری بەردەوام چاودێری ئەو منداڵانە دەکەین.

ئەوەی پێویستە بیزانیت: دەزگای خێرخوازیی بارزانی قۆناغی دووەمی پرۆژەی ئازیزانی لە مانگی ڕەمەزانی ئەمساڵدا ڕاگەیاند، لەم قۆناغەدا ژمارەیەکی زۆری منداڵانی بێسەرپەرشت لە پرۆژە جۆراوجۆرەکاندا سوودمەند بوونە.