ئیستۆنیا بەئامانجگرتنی ژێرخانی وزەی هەرێمی كوردستان ڕەت دەكاتەوە

ئاڤا نیوز

ئیستۆنیا لەڕێگەی وەزیری بەرگرییەوە جەخت لە گرنگیی پاراستنی ئاسایش و ئارامی هەرێمی كوردستان و كۆتاییهێنانی بەئامانجگرتنی ژێرخانی وزەی هەرێمی كوردستان دەكاتەوە.

چیرۆكی سەرەكی: ئه‌مڕۆ چوارشه‌ممه 16ـى تەمموز،‌ مەسرور بارزانى، سه‌رۆكى حکومەتی هه‌رێمى كوردستان، پێشوازی له‌ هانۆ پێڤكور، وه‌زيرى به‌رگريى ئيستۆنيا كرد. له‌ كۆبوونه‌وه‌کەدا، پەرەپێدانی په‌يوه‌ندیی دوولایەنە، به‌تايبه‌تى له‌ بواری ئه‌منى و به‌رگريدا تاوتوێ کرا.

چی باسكرا: سەرۆکی حکومەتی هەرێمی كوردستان، سوپاسی پشتیوانیی و هاریکاریی ئيستۆنيای بۆ‌ هەرێمی کوردستان لە چوارچێوه‌ى هاوپه‌يمانيى نێوده‌وڵه‌تيى دژى داعش کرد. وه‌زيرى به‌رگريى ئيستۆنياش، ئامادەیی وڵاتەکەی بۆ پێشخستنی زیاتری پەیوەندییەکان لەگەڵ هه‌رێمى كوردستان دووپات کردەوە.

بابەتە ستراتیژییەکە: لە دیدارەكەدا، جەخت لە گرنگیی پاراستنیی ئاسایش و ئارامیی هەرێمی کوردستان و کۆتاییهێنان بە هێرشی تێکدەرانەی سەر ژێرخانی ئابووریی و وزەی هەرێمی کوردستان کرایەوە.