ئەمینداری حیزبوڵڵا ئیسرائیلی تۆمەتبار دەکات بە پابەندنەبوون بە ڕێککەوتنی ئاگربەست

ئاڤا نیوز

ئەمینداری حیزبوڵڵای لوبنانی دەڵێت، ئیسرائیل بە ڕێککەوتنی ئاگربەست پابەند نەبوو لە کاتێکدا حیزبوڵڵا هەموو بەرپرسیاریەتییەکانی ئاگربەستی جێبەجێکردووە.

وێنە گەورەکە: لە مانگی تشرینی دووەمی ساڵی ڕابردوو، ئیسرائیل و حیزبوڵڵای لوبنان ڕێککەوتنی ئاگربەستیان واژۆ کرد، بەڵام لەو کاتەوە ئیسرائیل بە سەدان ئۆپەراسیۆن و هێرشی لە باشووری لوبنان ئەنجامداوە هاوکات چەندین بەپرسی سەربازیی حیزبوڵڵای کردووەتە ئامانج.

ڕاگەیێنراوی فەرمی: نەعیم قاسم، ئەمینداری گشتی حیزبوڵڵای لوبنانی ڕایگەیاند: حیزبوڵڵا ڕێککەوتنی ئاگربەستی بەتەواوەتی لە باشووری ڕووباری لیتانی جێبەجێکرد، دەوڵەتی لوبنانیش لە هەر شوێنێک لە توانایدا بوو سوپای جێگیرکرد، دەوڵەتی لوبنان و حیزبوڵڵا و هەموو خەباتکارانی خۆڕاگری، هەموو ئەو ئەرکانەی بەپێی ڕێککەوتنەکە پێویست بوو بیکەین جێبەجێمان کرد، بەڵام ئیسرائیل هیچی جێبەجێ نەکردووە.

زانیاریی زیاتر: نەعیم قاسم وتیشی، چەکی خۆمان ڕادەست ناکەین و ئیسرائیل ناتوانێت چەکمان بکات.