پێشەوا هەورامانی: پڕۆژەی فریاگوزاریی خێرای ئاو دەتوانێت هەولێر بباتە قۆناغێکی دیکە

ئاڤا نیوز

وتەبێژی حکومەتی هەرێمی کوردستان ڕایگەیاند، سەرۆکوەزیران مەسرور بارزانی توانی لە کاتی خۆیدا پڕۆژەی فریاگوزاریی ئاوی خێرای هەولێر تەواو بکات.

وێنە گەورەکە: پرۆژەی فریاگوزاریی خێرای ئاوی هەولێر، یەکێکە لە پرۆژە ستراتیژییەکانی کابینەی نۆیەم، ئامانج لێی چارەسەرکردنی کێشەی کەمئاوییە لە هەولێر، پرۆژەکە کێشەی کەمئاوی تا 30 ساڵی داهاتوو لە هەولێر چارەسەر دەکات.

بڵاوکراوەی فەرمی: پێشەوا هەورامانی، وتەبێژی حکومەتی هەرێمی کوردستان، لە ئەکاونتی فەرمی خۆی لە تۆڕی کۆمەڵایەتی فەیسبوک نووسیویەتی: سەرۆکوەزیران مەسرور بارزانی دەتوانێت، لەم فشار و سەختیانەدا پڕۆژەیەکی گەورە لە کاتی خۆیدا بوونیاد بنێت و تەواو بکات، هەروەها هەولێر بباتە قۆناغێکی دیکە.

هاوکات نووسیویەتی، ئەو کارەی کراوە نزیکە لە مەحاڵ تاوەکو 30 ساڵی دیکە چارەسەری کێشەی ئاوی پاکی ماڵان لە هەولێر دەکات.

زانیاریی زیاتر: وتەبێژی حکومەتی هەرێمی کوردستان باس لەوەش دەکات، سەرۆکوەزیران مەسرور بارزانی باوەڕی بە چارەسەریی یەکجاری ئەم جۆرە کێشانە هەیە، سەختییەکان وایان نەکردووە دەستبەرداری خەونە گەورەکانی ببێت بۆ بوونیادنان.