ئەردۆغان: لە ئەوپەڕی ئامادەباشیدان بەرامبەر بە تێکدەرانی پرۆسەی ئاشتی

ئاڤا نیوز

ڕەجەب تەیب ئەردۆغان، سەرۆککۆماری تورکیا هۆشداری دا لە هەستیاریی قۆناغی پرۆسەی ئاشتی و جەختی لەوە کردەوە کە ئەوان لە ئەوپەڕی ئامادەباشیدان بەرامبەر بە تێکدەرانی پرۆسەی ئاشتی و ڕێگەنادەن تێکدەران کاریگەرییان لەسەر پرۆسەکە هەبێت.

چیرۆکی سەرەکی: هەوڵەکان لە تورکیا بۆ پرۆسەی ئاشتی بەردەوامن و سەرۆککۆماری ئەو وڵاتە ئامادەباشی وڵاتەکەی دووپات دەکاتەوە و ڕێگریش لە هەر کەس و لایەنێک دەکەن کە لەمپەر لەبەردەم پرۆسەکە دروست بکات.

لێدوانی فەرمی: ڕەجەب تەیب ئەردۆغان، سەرۆککۆماری تورکیا وتی، وەک دەزانن چەکداماڵین دەستی پێکردووە. هاوکارە پەیوەندیدارەکانمان بەدواداچوونی پێویست و دڵنیابوون لە پەیوەندییەکان دەکەن. ئەوەندەی من ئاگادارم دانوستانەکان سەبارەت بە کۆمیسیۆن گەیشتوونەتە قۆناغی کۆتایی، بەمزووانە شایەتحاڵی پێشکەوتنەکان دەبن لە پەرلەمان.

ئەردۆغان ئەمانەشی وت:

٠ ئێمە بڕیارمانداوە داهاتوویەکی بێ تیرۆر بوونیاد بنێین.

٠ بە ئاراستەی گەیشتن بە ئامانجی تورکیایەکی بێ تیرۆر هەنگاو دەنێین، پرۆسەکە وەک ئەوەی پلانی بۆ دانراوە کاری بۆ دەکرێت.

٠ ئێمە زۆر بە ڕوونی دەزانین چی بکەین بۆ گەیشتن بە ئامانجەکەمان و چۆن ئەنجامی بدەین و لە کوێ دەگەینە کۆتایی.

٠ ئەو ڕووداوانەی لە ناوچەکەماندا ڕوودەدەن جارێکی دیکە ڕاستی ئەم هەنگاوەی ئێمە ناومانە دەردەخەن.

٠ لە ئێستادا ئیمرالی سەبارەت بەم بابەتە هەموو جۆرە پاڵپشتییەکی کردووە و بەردەوامیشی هەیە.