لە باشترین شوێنی دارەشەکران زەوی بە فەرمانبەران دەدرێت

ئاڤا نیوز

ئەمڕۆ نزیکەی دوو هەزار پارچە زەوی لە سنووری ناحیەی دارەشەکران بەسەر فەرمانبەران دابەش دەکرێن.

چیرۆکی سەرەکی: لە سنووری بەڕێوەبەرایەتیی گشتیی شارەوانییەکانی هەولێر کە 37 سەرۆکایەتیی شارەوانی قەزا و ناحیەکانی سنووری پارێزگای هەولێر لەخۆدەگرێت، ڕێکار و ئامادەکارییەکان بۆ دابەشکردنی زەوی بەسەر فەرمانبەران تەواو کراوە و دابەشکردنی زەوی بەسەر فەرمانبەرانی ئەو سنوورە چووەتە بواری جێبەجێکردن.

لێدوانی فەرمی: کامەران حەسەن، بەڕێوەبەری ناحیەی دارەشەکران بە ئاڤا ڕاگەیاند: نزیکەی دوو هەزار پارچە زەوی بۆ دابەشکردنی بەسەر فەرمانبەرانی سنووری ناحیەی دارەشکران ئامادە کراون، هەزار 750 کەس لە فەرمانبەران و پیشمەرگە و خانەنشینانی ئەو سنوورە ئەمڕۆ بە تیروپشک زەوییان بەسەر دابەشدەکرێت، ژمارەیەک پارچە زەویش بۆ قەرەبووکردنەوەی خاوەن زەوییەکان دانراون.

زانیاریی زیاتر: زەوییەکان کەوتوونەتە باشترین شوێن لە سەر ڕێگای سەرەکی ناحیەکە لە نزیک باڵەخانە بەڕێوەبەرایەتیی ناحیەی دارەشەکران.