ستراتیژیەتی پاراستنی کۆمەڵایەتی لە کوردستان ڕاگەیێنرا

ئاڤا نیوز

وەزارەتی پلاندانانی هەرێمی کوردستان  پرۆژەی ستراتیژیەتی پاراستنی کۆمەڵایەتی لە هەرێمی کوردستان ڕاگەیاند و بۆ ماوەی پێنج ساڵی داهاتوو کاری لەسەر دەکرێت.

چیرۆکی سەرەکی: بە پاڵپشتی دارایی یەکێتی ئەوروپا، وەزارەتی پلاندانانی هەرێمی کوردستان بە هەماهەنگی ژمارەیەک لە وەزارەتە پەیوەندیدارەکان و بە هاوبەشی هەرسێ ئاژانسی UNISEF، IOL، WFP سەر بە ڕێکخراوی نەتەوە یەکگرتووەکان، ماوەی زیاتر لە دوو ساڵە کار لەسەر ئامادەکردنی پرۆژەی ستراتیژیەتی پاراستنی کۆمەڵایەتی دەکەن، ئەم پرۆژەیە بۆ پێنج ساڵی داهاتوو کاری لەسەر دەکرێت، لە ساڵی 2025 تا ساڵی 2030 بەردەوام دەبێت.

لێدوانی فەرمی: سیروان محەممەد، بریکاری وەزارەتی پلاندانان ڕایگەیاند: ئەم ستراتیژە ژمارەیەک بوار لەخۆ دەگرێت، پشتی بە نوێترین داتا و پلان بەستووە و کار دەکرێت بۆ ڕەخساندنی دەرفەتی یەکسان بۆ هاونیشتمانییان.

بۆچی گرنگە: ئەم ستراتیژە کاریگەری دەبێت لەسەر گەشەسەندنی ئابووری و کەمکردنەوەی ڕێژەی بێکاری.

ئەمەش بزانە: ڕێژەی بێکاری کە هەرێمی کوردستان 8.6٪ ـەو و لە عێراق بەبێ هەرێمی کوردستان 19.5٪ـە.